ماموستا جاسم کەلاری ( لا إله إلا أنت سبحانك إني كنت من الظالمين )

ماموستا جاسم کەلاری ( لا إله إلا أنت سبحانك إني كنت من الظالمين )

—————————

. هۆکارى زیاد بوونى بەرەکەت لە ماڵ ...:-

بەرەکەت : ووشەیەکە زۆربەى کات بەرگویمان دەکەوێت بەڵام بەداخەوە لەماڵەکانمان وونە . بەرەکەت نەلە کاتمان هەیە نەلە رزق و رۆزى ..

بۆیە کلیلى بەرەکەت هەشتن , وە لەقورئان و سوونە هاتوە ..
🗞کلیلەکانى بەرەکەت هەشتن :-

1️⃣ خوێندنەوەى قورئانى پیرۆز : خودا دەفەرموێت : (وهذا كتاب أنزلناه مبارك) قورئانى پیرۆز خوێندنەوەى بە جوانى تێگەیشتن و فێربوونى ماناکانى و کار پێکردنى لە ژیانى رۆژانە دەبێتە مایەى بەرکەت پێغەمبەر (صلى الله علیه وسلم) دەفەرموێت (تسكنه الملائكة تهجره الشياطين ويتسع بأهله ويكثر خيره).

واتە: هەر مالێک قورئانى تیا بخوێندرێت ئەوا مەلائیکە لەو مالە نیشتەجێ دەبن و شیطانەکان لەو ماڵە هەڵدێن , وە خۆشى وبەرەکەت دەکەوێت نێو خانەوادەکە.

2️⃣ بسم الله وە یادى خودا کردن :پێغەمبەر (صلى الله علیه وسلم) دەفەرموێت :

(إذا دخل الرجل بيته فذكر الله تعالى عند دخوله وعند طعامه، قال الشيطان لأصحابه لا مبيت ولا عشاء)

واتە : ئەگەر چونەوە بۆماڵ یادى خودا بکەن وە لەکاتى نان خواردن بسم الله بکەن چونکە شیطان ناچێتە ماڵێک و تیاى نامێنێتەوە کە یادى خوداى تیابکرێت و بسم الله لەسەر خواردنەکەیان بکرێت.

3️⃣ الصدقة (بەخشین) : بەخشین یەکێکە لەهۆکارەکانى بەرەکەت لەماڵ , بەتایبەت بەخشینێ بەنهێنى بکرێت , چونکە بەخشین تورەبوونى خودا دادەمرکێنێتەوە .

4️⃣ صلة الرحم :
سەردانى كردنى خزم : پێغەمبەر (صلى الله عليه وسلم) دەفەرموێت:

«من سره أن يبسط له في رزقه وأن ينسأ له في أثره فليصل رحمه» (متفق عليه).

واتە : هەرکەسێک دەیەوێت رزقى فراوان بێت با سیلەى رەحم بەجێ بگەیەنێت.

وە لە شوێنێکى تر دەفەرموێت سیلەى رەحم و رەوشت باشى و چاک بوون لەگەڵ دراوسێ ئەوا رزق زیاد دەکات و بەرکەت دەخاتە تەمەنەوە.

5️⃣ چوون بۆ سەرکار و داواکردنى رزق لە بەیانان زوو : پێغەمبەر (صلى الله علیه وسلم) دوعاى کردوە بۆ ئومەتەکەى دەفەرموێت : ( اللهم بارك لأمتي في بكورها ) واتە خودایە بەرەکەت بخەیتە رزق و رۆزى ئومەتەکەم سەرلەبەیانى , بەڵام بەداخەوە زۆربەى خەڵکى ئەم سەردەمە تاکو نیوەڕۆ خەوتون.

6️⃣ نوێژکردن لەکاتى خۆیدا :
قال الله تعالى:«وأمر أهلك بالصلاة واصطبر عليها لا نسألك رزقا“نحن نرزقك والعاقبة للتقوى»
واتە : فەرمان بکەن بە خانەوادەکەت تاکو نوێژ بکەن و ئارامبگرن لەسەرى , خودا داواى رزق و رۆزى لەئێوە ناکات بەڵکو خودا خۆى رزق و رۆزى دەرە وە پاشە رۆژ بۆ پارێزکارانە.

7️⃣ پەنا گرتن بەخودا بە تەواوى : پێغەبمەر (صلى الله علیه وسلم) دەفەرموێت :

«لو توكلتم على الله حق توكله لرزقكم كما يرزق الطير ، تغدو خماصا”وتروح بطانا”»

واتە : ئەگەر تەوەکولتان بەتەواوى بەخودا بێت ئاوها رزق و رۆزیتان دەدات وەک باڵندە چۆن بەیانیان بە زگى برسى دەردەچێت و ئێواران بەزگى پردەگەرێتەوە .

8️⃣ بەردەوام بوون لەسەر أستغفار : استغفار کردن سەرچاوەى رزق و رۆزیە , هەروەک چۆن پێغەمبەرمان (صلى الله علیه وسلم ) دەفەرموێت :

«من لزم الاستغفار جعل الله له من كل ضيق مخرجا” ومن كل هم فرجا”ورزقه من حيث لا يحتسب»

واتە : هەرکەسێک بەردەوام بێت لەسەر استغفار ئەوا خودا لەهەموو تەنگاویەک رزگارى دەکات , وە لەهەموو غەم وپەژارەیەکى دەرەوێنێتەوە , وە رزقى واى بۆ رەوانەدەکات کە هەرگیز بەخەیاڵى دانەهاتبێ کە ئەم رزقەى بۆ بێت.

👐خودا بەرکەت بەسەر ئێمەو ئێوەش داببارێنێت.