Скачать или смотреть Asiq Aslan Kosali vida tedbiri

Ustad Aşiq Aslan Kosali ilə vida tədbiri.
Bu gün Gürcüstanda Azərbaycanlilarin kompakt yaşadiqlari Qarayazi mahalinin Kosali kəndində ömrünün 85-ci qışında, dünyasini dəyişən Ustad Aşiq Aslan Kosalinin son mənzilə yola salinma tədbiri keçirilib. Ustadla vida tədbirində kənd sakinləri ilə yanaşi Türkiyədən, İrandan, Azərbaycandan, Azərbaycanin Gürcüstandaki səfirliyindən, Qardabani rayon İcra hakimiyyətindən, eləcə də Azərbaycanlilarin Gürcüstandaki Mədəniyyət mərkəzindən nümayəndələr iştirak ediblər. Vida tədbirində çixiş edənlər Aşiq Aslan Kosalinin Borçali Aşiq məktəbində, eləcə də xalqimizin Ozan sənətində onun öz dəsti xəttinin olduğunu və bu sahədə onun böyük işlər gördüyünü söyədilər. Aşiq Aslan Kosali saz sənəti ilə yanaşi Borçalinin çəkili el ağsaqqallarindan biri idi. O, ömrünün 60 ildən çoxunu saz-söz sənətinə sərf etmişdi. Aşiq Aslan Kosali Borçalida saz sənətinin həmişə yaşar olmasi üçün əlindən gələni etmişdi. Ustad nəinki öz sazı ilə yalniz Gürcüstanda, həm də Türkiyədə, İranda, Azərbaycanda, Qazaxistanda bir çox simpoziyumlarda və konsertlərdə iştirak edib. Aşiq Aslan Kosali həm də şair idi. O, özünün yazdiği şerlər toplumu ilə üç kitab müəllifidir. Ustad Aşiq Aslan Kosalinin cənazəsi Gürcüstan Aşiqlar Birliyinin təşkil etdiyi bir qrup aşıqların “Mansiri” havasinin sədalari altinda son mənzilə yola salindi.