Скачать или смотреть 'હાટ'(ભગોરીયા)નો ઇતિહાસ. આપણો ઈતિહાસ જાણો અને સમજો. આદિવાસીઓનો ઇતિહાસ દબાવી દેવામાં આવ્યો છે.

ભગોરીયા મેળો એ માનવના સ્થાયી જીવનનો ભાગ છે. જ્યારે માનવ સ્થાયી જીવનની શરૂઆત કરી હશે ત્યારે માનવ વસ્તુના બદલામાં વસ્તુ આપતો હતો. જેને આપણે વિનિમય પ્રથા કહીએ છીએ. આ વિનિમય પ્રથા આદિકલીન વેપાર કહેવાય છે. હોળી જેવા મહાપર્વ વખતે આદિવાસી સમુદાયમાં બધા લોકો પાસે અમુક વસ્તુનો અભાવ રહેતી જેથી તે જરૂરિયાત વસ્તુ બીજા વ્યક્તિ પાસેથી વસ્તુ આપીને લેતો હતો. જેને આદિવાસી ભાષા બોલીમાં 'હામહાટું' કહેવાય છે. આ હામહાટું એના પરથી 'હાટ' શબ્દ આવ્યો. એટલે નજીકના કોઈ એક ગામમાં આસપાસના લોકો દ્વારા હાટ ભરાવા લાગ્યા. હોળી અર્થે જે હાટ ભરાયા તેમાં પણ ઘણા લોકોને ચીજવસ્તુઓનો અભાવ રહેતો સમય જતાં દરેક લોકોને ચીજવસ્તુ મળી રહે તે માટે આદિવાસી રાજા કસુમાર અને ભાલુ પોતાની રાજધાની ભગોરમાં હાટના દિવસે મોટું આયોજન કરીને ચીજવસ્તુઓની આપ-લે કરે છે. તેનાથી પ્રેરાઈને દરેક વિસ્તારના કબીલાઈ રાજાઓ હોળી અર્થે ભરાતા હાટમાં લોકોને જુદી જુદી વસ્તુઓ માલસામાન મળી રહે એ માટે આયોજન બદ્ધ વસ્તુઓ માલસામાન આપવા લાગ્યા. આ જે હાટ ભરાતા હતા તે પ્રથા વર્ષોથી હતી જ પરંતુ કસુમાર અને ભાલુ રાજાની રાજધાની ભગોરમાં આયોજન થયું ત્યારથી હોળી પહેલાં ભરાતા હાટને ભગોરીયા કહેવામાં આવ્યું. જે આજે પણ કહેવાય છે.