破壞之王_無敵風火輪 (粵語)

（中國古拳法部）
達叔：阿銀，每個人都有自己嘅身份同埋尊嚴。你身為中國古拳法嘅弟子，好應該有一套自己嘅制服。（扐出件衫）扐去喇。
阿銀（跪低）：師父，你真系我嘅苦海明燈。
達叔：傻啦，呢啲系你應得架嘛。你第日著呢套制服行走江湖，武林中人都要畀面你三分。
阿銀：哦！
達叔：重有。（喺一堆書裏面摷出一本《九陰真經》畀阿銀）呢本系我哋鎮派之寶《九陰真經》，而家攞埋去。
阿銀：《九陰真經》？乜練呢種武功要蒙面嘅咩？
達叔：啊！系咩？哦！蒙住面好打啲嘅。嚟嚟嚟，起身，坐坐坐。
阿銀：師父，你對我真系恩重如山......
達叔：哎！唔使講埋啲噉嘅嘢。嗱，今物我就畀咗兩件鎮派之寶你喇。噉國內啲苦難同胞呢都應該得到幫助架喇。正所謂大家中國人，血濃於水，就......
（見到阿銀得廿文）
達叔：咦！做咩得兩條架？上次你紮個馬都捐五根嘢啦。
阿銀：我系得咁多架嘞。
達叔：嗱，首先你明白，呢錢呢就唔系話我袋嘅，捐多少就憑良心架啫。就算你唔捐呢，我一樣咁高興。不過如果你重有啲咩珠寶首飾，外匯股票呀，又或者......
阿銀：師父你聽我講，我對國內同胞經已仁至義盡，我已經捐到乾曬塘。
達叔：噉你每個月有糧出架嘛。
*阿銀：我嗰份工我都做得唔系幾happy，我諗住以後都可能唔撈添。我而家可以講話一無所有。不過難得師父你對我咁好，我就諗住以後跟師父你勤練武功，服侍你老人家。
達叔：嚇？！
阿銀：哎！師父，講得好哋哋，做乜無情情打個冷震嗱？
達叔（扮cool）：冇事。既然你講到噉，冇辦法嘞，跟我嚟。

（兩個人嚟到）
達叔：嗱，我而家喳喳林教你去練《九陰真經》裏便最厲害嗰招嘞。
阿銀（扐出書）：呢度呀。
達叔：上冊冇架，響下冊。學唔學得成睇你自己喇。
阿銀：我得架，師父，你信我啦。
達叔：嚮處轆落去呀。
*阿銀：嘩！講真定講笑呀？咁長條樓梯轆落去？呢招咩絕招嚟呀？師父，你講笑定講真呀？
達叔：呢招叫做無敵風火輪，你同個敵人一齊轆落去咪轆鬼死佢囉。
阿銀：我死咋啩？
達叔：唔會。乜你咁蠢架？你起勢噉攬實個敵人，等佢身體保護住你。利用地球嘅地心吸力，宇宙間嘅萬有引力，再加上你同敵人嘅體重乘以二嘅turbo。若然你噉都轆佢唔死，你返嚟問我喇。
阿銀：我硬系唔系好明......
達叔：嗱，阿銀，呢一招就唔系咁易明嘅。危險性亦都相當高，所以如果你唔學呢，亦都系正路，但系證明呢，你就唔系練武嘅材料。以後就唔再需要嚟揾師父喇。
阿銀：師父，你唔好噉講喇，我會盡力而為嘅。
達叔：如果你練得成咁神奇嘅話，恭喜曬喇，你已經系天下無敵。以後更加唔需要嚟揾師父喇。系噉喇。系噉喇。（行開）吆！
阿銀（走埋嚟）：師父！師父！
達叔：又做乜嘢呀？
阿銀：即系同我分手噉嘅意思......
達叔：哎！點話點好喇。
阿銀：師父！
達叔（好忟）：你唔好煩嗱，你想點樣呀？
阿銀（將只手錶送畀達叔）：呢只swatch我送畀你呀，師父。好嘢嚟架，我平時都袋住唔捨得戴。
*達叔：硬膠嘢，值幾多錢嗱？
*阿銀：錢就唔系太值，不過就上年我生日自己親自買架。
達叔：啊！得嘞！得嘞！多謝喇！多謝喇！
阿銀：唔好噉講。好有紀念價值架，我唔會辜負你架。
*達叔：叻喇！叻喇！去死呀！

（達叔良心發現，返去揾阿銀）
達叔：啊？！唔系真系轆咗落去嚇嘩？死蠢蠢成噉。啊！（唔小心轆咗落去）金呀。
阿銀（食甜筒）：師父，我睇到。
達叔：你做咩呀？
阿銀：就系無敵風火輪嘅練習方法嚇嘩？你專登示範畀我睇架嚇嘩？嘩！我正話見你喺上便諗都唔諗就"累"落去。嗰種勇氣真系。你知唔知我正話企喺上面幾耐，始終都系拗底吖，咁高。
達叔：你見到曬嘞，嚇嘩？
阿銀：見到曬嘞，好飽呀。嘩！呢招咁厲害嘅時候，我睇都系唔諗住嘞師父。我都系練返其他低層次少少嘅嘢先嗱。
*達叔：喂，大佬你諗好唔諗好，正話我示範咗一次，你系噉意畀封我得架。
阿銀：好呀，冇問題吖。
達叔：冇問題你都要畀架，我而家見曬紅架。攞個彩都要呀。
阿銀：好呀，嚟呀。
達叔：喂，嚟你要嚟得架。仆街仔！