#ព្រះបន្ទូលនៃសេចក្ដីពិតសម្រាប់ថ្ងៃពុធ

#ចំណងជើងវីដេអូ៖ «កុំស្រលាញលោកីយ៍ឡើយ» Love Not The World

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃពុធ ទី៣០ ខែតុលា ឆ្នាំ២០២៤។

«កុំស្រលាញលោកីយ៍ឡើយ» Love Not The World

“ហេតុ​ដូច្នោះ ព្រះយេហូវ៉ា​ទ្រង់​មាន​ព្រះបន្ទូល​នឹង​សាឡូម៉ូន​ថា ដោយ​ព្រោះ​ឯង​បាន​ធ្វើ​យ៉ាង​នេះ ហើយ​មិន​បាន​រក្សា​សេចក្តី​សញ្ញា​របស់​អញ និង​បញ្ញត្ត​ដែល​អញ​បាន​បង្គាប់​ដល់​ឯង នោះ​បាន​ជា​អញ​នឹង​កន្ត្រាក់​យក​រាជ្យ​ពី​ឯង​វិញ​ជា​ពិត ហើយ​ឲ្យ​ទៅ​អ្នក​បំរើ​របស់​ឯង​វិញ” (១ពង្សាវតារក្សត្រ ១១:៩)។

ទោះបីសាឡូម៉ូនជាស្តេចដ៏អស្ចារ្យ១អង្គ និងជាអ្ន​កដែលមានប្រាជ្ញាបំផុតដែលមិនធ្លាប់មាន មុនពេលការយាងមករបស់ព្រះយេស៊ូវក៏ដោយ ក៏ពេញមួយជីវិតរសាឡូម៉ូន មិនបានរស់នៅជាទីគាប់ព្រះហឫទ័យព្រះអម្ចាស់នោះទេ។ គម្ពីរ​ចែង​ថា សាឡូម៉ូនបានស្រឡាញ់​«ស្ត្រី​សាសន៍ដទៃ»​ជា​ច្រើន ហើយ​បាន​ជឿតាម​ព្រះ​របស់​ពួក​គេ។ គាត់​បាន​នាំយកពួកសាសន៍ដទៃនៅក្នុងវាំង ដែល​ព្រះ​បាន​ហាម​មិន​ឲ្យ​កូន​ចៅសាសន៍​អ៊ីស្រា‌អែល​រៀប​ការ​ជាមួយឡើយ។

នៅក្នុង ពង្សាវតារក្សត្រទី១ ១១:២ ព្រះទ្រង់មានបន្ទូលថា «ជា​ស្ត្រី​នៃ​សាសន៍​ផ្សេងៗ ដែល​ព្រះយេហូវ៉ា​បាន​ហាម​ដល់​ពួក​កូន​ចៅ​អ៊ីស្រាអែល​ថា មិន​ត្រូវ​ឯង​រាល់​គ្នា​ចូល​ទៅ​ឯ​គេ ឬ​ឲ្យ​គេ​ចូល​មក​ឯង​រាល់​គ្នា​ឡើយ ដ្បិត​គេ​នឹង​បង្វែរ​ចិត្ត​ឯង​រាល់​គ្នា​ឲ្យ​ទៅ​តាម​ព្រះ​គេ​ជា​មិន​ខាន តែ​សាឡូម៉ូន​បាន​ចង​ពន្ធ​នឹង​គេ ដោយ​សេចក្តី​ស្រឡាញ់​វិញ»។ ប៉ុន្តែ ផ្នែក​ចុង​បញ្ចប់​នៃ​ខគម្ពីរ​នោះ​ចែង​ថា « សាឡូម៉ូន​បាន​រាប់អាន​អ្នក​ទាំង​នេះ​ដោយ​សេចក្ដី​ស្រឡាញ់ » ។ ជា​លទ្ធផល ព្រះអម្ចាស់​មិន​ពេញ​ចិត្ត​នឹងសាឡូម៉ូនទេ។ សព្វថ្ងៃនេះ គ្រីស្ទានខ្លះ ក៏មានលក្ខណៈបែបដូចសាឡូម៉ូនដែរ, មិត្ដរួមការងារ និងមិត្តភក្តិស្និទ្ធបំផុតរបស់ពួកគេ គឺជាមនុស្សនៃលោកិយ៍ដែរ។ ដូចសាឡូម៉ូន ពួកគេប្រកាន់ខ្ជាប់តាមពួកមនុស្សមិនជឿ និងពួកមានហេតុមានផលមិនត្រឹមត្រូវតាមព្រះបន្ទូល និងទំនាក់ទំនងខុសឆ្គង។

ពួកគេ​ខ្លះ​រក្សា​មិត្តភាព​ទាំងនេះ ​ព្រោះ​ពួកមនុស្សទាំងនោះ ជួយ​ធ្វើឱ្យ​ពួកគេ​ក្លាយជា​មនុស្ស​ល្បី​ក្នុង​សង្គម ​ឬ​ពេញនិយមបាន​។ ប៉ុន្តែ ព្រះ​គម្ពីរ​ចែង​ថា “… តើ​មិន​ដឹង​ទេ​ឬ​អី​ថា ដែល​ស្រឡាញ់​ដល់​លោកីយ៍ នោះ​គឺ​ជា​ស្អប់​ដល់​ព្រះ​ហើយ ដូច្នេះ អ្នក​ណា​ដែល​ចូល​ចិត្ត​ចង់​ធ្វើ​ជា​មិត្រ​សំឡាញ់​នឹង​លោកីយ៍ នោះ​ឈ្មោះ​ថា បាន​តាំង​ខ្លួន​ជា​ខ្មាំងសត្រូវ​នឹង​ព្រះ​វិញ» (យ៉ាកុប ៤:៤)។ ១ យ៉ូហាន ២:១៥ ចែង​ថា « កុំ​ឲ្យ​ស្រឡាញ់​លោកីយ៍ ឬ​របស់​អ្វី​ដែល​នៅ​ក្នុង​លោកីយ៍​នេះ​ឲ្យ​សោះ បើ​អ្នក​ណា​ស្រឡាញ់​លោកីយ៍ អ្នក​នោះ​គ្មាន​សេចក្តី​ស្រឡាញ់​របស់​ព្រះវរបិតា​នៅ​ក្នុង​ខ្លួន​ឡើយ»។

សាឡូម៉ូន​បាន​ជ្រើសរើស​ធ្វើ​ជា​ស្តេច​ដ៏​ល្បីល្បាញ​នៅចំពោះលោកិយ៍។ សូមអានអំពីសាច់រឿងរបស់សាឡូម៉ូន; បន្ទាប់ពី ព្រះបានបង្ហាញព្រះអង្គទ្រង់ជា២លើកចំពោះសាឡូម៉ូនរួចហើយ ​មិន​មាន​កំណត់​ត្រា​ណា​មួយ​អំពី ការអធិស្ឋានរបស់សាឡូម៉ូន​ក្នុង​បទ​គម្ពីរ​ទេ។ ផ្ទុយ​ទៅ​វិញ អ្វី​គ្រប់​យ៉ាង​ដែល​ទាក់​ទង​នឹង​គាត់​គឺ​ជា​បែបសង្គម, គាត់តែងតែចូលរួមការជប់លាង ឬ​ទទួល​ភ្ញៀវនេះភ្ញៀវនោះ ប៉ុន្តែជាមួយព្រះវិញ គាត់មិនចាប់អារម្មណ៍សោះ។

អ្នក​ត្រូវ​ដឹង​ថា ការពិត​មនុស្ស​ដែល​អ្នក​សេពគប់ ការ​ចំណាយ​ពេល​របស់​អ្នក ពួកគេនឹងក្លាយជាអ្នកផ្លាស់ប្ដូរអ្នក ឬអ្នកគួរតែ បង្ហាញពីមូលដ្ឋាននៃក្ដីស្រឡាញ់របស់ព្រះ? ព្រះ​បាន​មាន​បន្ទូល​ទៅ​កាន់​កូន​ចៅ​អ៊ីស្រា‌អែល​ថា “… ប្រាកដ​ណាស់ ពួក​គេ​នឹង​ងាក​ចេញ​ពី​ចិត្ត​ខ្លួន ហើយងាក​ទៅ​តាម​ព្រះ​របស់​គេ”។ កុំនិយាយថា "មិនអីទេ” ពួកគេមិនអាចមានឥទ្ធិពលលើខ្ញុំទេ”; ផ្ទុយទៅវិញ គ្រាន់តែធ្វើតាមការដាស់តឿនរបស់ព្រះ។ ទ្រង់មានបន្ទូលរួច​ហើយ​អំពី​ការ​សេពគប់​គ្នា​ដែល​មិន​ល្អ​ថា «… ចូរ​ចេញ​ពី​កណ្តាល​ពួក​គេ​ទៅ ហើយ​ញែក​ខ្លួន​ទៅ​ដោយឡែក…” ( កូរិនថូស ទី២ ៦:១៧ )។ ព្រះដឹងច្បាស់ជាងអ្នកទៅទៀត, ប្រសិនបើ​ទ្រង់​ប្រាប់​អ្នក​ពី​លទ្ធផល​នៃ​ការ​ធ្វើ​សកម្មភាពណាមួយ ចូរ​ជឿជាក់​ថា​ទ្រង់​ត្រឹមត្រូវ ហើយ​ធ្វើតាម​ព្រះបន្ទូល​របស់​ទ្រង់។

#ការប្រកាស់
កូន​ដឹង​ពី​ទំនាក់ទំនង​របស់​កូន ហើយ​កូនបានទទួលការដឹកនាំ ដោយ​ប្រាជ្ញា​របស់​ព្រះ ដើម្បី​ជួបជាមួយអស់អ្នកណា ដែលទ្រង់បានចាត់ត្រៀម ព្រមទាំងអាចបំរើព្រះបន្ទូលរបស់ព្រះជាមួយគ្នាបាន។ កូនតែងតែគិតថា ការជួបជាមួយព្រះវត្តមានរបស់ទ្រងគឺជាទី១ ហើយចិត្តរបស់កូន បានដាក់នគរព្រះជាសិរីរុងរឿងយ៉ាងពិតប្រាកដ។ អាម៉ែន

#ការសិក្សាបន្ថែម៖​​​ សុភាសិត ១៣:២០ កូរិនថូសទី១ ១៥:៣៣ កូរិនថូសទី២ ៦:១៤​ (ការកើតជាថ្មីកម្ពុជា)