Pax in Nomine Domini - Reconquista Song

Marcabru (c. 1130–1150 AD) was one of the first troubadours we have knowledge of. He experimented with several styles, before writing crusade songs. Here he urges all Christians to Spain, which he calls a "Washing Place" where crusaders could redeem their sin before God.

Lyrics (Old Occitan):

Pax in nomine Domini!
Fetz Marcabrus los motz e.l so.
Aujatz que di:
Cum nos a fait, per sa doussor,
Lo Seingnorius celestiaus
Probet de nos un lavador,
C’anc, fors outramar, no.n fon taus,
En de lai deves Josaphas:
E d’aquest de sai vos conort.

Lavar de ser e de mati
Nos deuriam, segon razo,
Ie.us o afi.
Chascus a del lavar legor;
Domentre qu’el es sas e saus,
Deuri’anar al lavador,
Que.n es verais medicinaus;
Que s’abans anam a la mort,
D’aut en sus aurem alberc bas.

Probet del lignatge Caï,
Del primeiran home felho,
A tans aissi
C’us a Dieu non porta honor;
Veirem qui.ll er amics coraus;
C’ab la vertut del lavador
Nos sera Jhesus comunaus;
E tornem los garssos atras
Qu’en agur crezon et en sort!

E.il luxurios corna-vi,
Coita-disnar, bufa-tizo,
Crup-en-cami
Remanran inz el felpidor;
Dieus vol los arditz e.ls suaus
Assajar a son lavador;
E cil gaitaran los ostaus;
E trobaran fort contrafort,
So per qu’ieu a lor anta.ls chas.

En Espaigna, sai, lo Marques
E cill del temple Salamo
Sofron lo pes
E.l fais de l’orguoill paganor,
Per que Jovens cuoill avol laus.
E.l critz per aquest lavador
Versa sobre.ls plus rics captaus
Fraitz, faillitz, de proeza las,
Que non amon Joi ni Deport.

Desnaturat son li Frances,
Si de l’afar Dieu dizon no,
Qu’ieu sai cum es:
Antiocha! Pretz e Valor
Sai plora Guiana e Peitaus.
Dieus, Seigner, al tieu lavador
L’arma del comte met en paus:
E sai gart Peitieus e Niort
Lo Seigner qui ressors del vas!