බුදුරජාණන් වහන්සේ සතු වූ 73 ඤාණ Gnana puja (තෙසැත්තෑ ඤාණ) Thesaththa Gnana Poojawa

තෙසැත්තෑ ඤාණ FULL Chant - 73 Kinds of Knowledge =    • තෙසැත්තෑ ඤාණ - 73 Kinds of Knowledge  
තෙසෑත්තෑ ඥාණ Bana Series =    • Плейлист  

මෙහි එන තෙසැත්තා ඥාණයන් (73) සාරිපුත්ත මහරහතන් වහන්සේගේ දේශනාවන් ලෙස සැලකෙන පටිසම්භිදාමග්ග පාලියේ ‍ඥාණ කතා නිර්දේශය පුරා විස්තර සහිතව ලියැවී ඇත්තේ ය. එම තෙසැත්තා ඥාණයන් සිහිකොට බුදුරජාණන් වහන්සේගේ ධම්මකාය පිළිබදව අපට යම් දැනුමක් වැටහීමක් ලබා ගත හැකි වන අතර ඒ තුලින් අප තුල පවතින ශාස්තෲ ගෞරවය තවත් දැඩි කරගැනීමට හා ශ්‍රද්ධාදී ඉදුරන් වඩා ගැනීමට මහත් උපකාර පිණිස පවතිනු ඇත.
---
වෙසක් උත්සවය නිමිත්තෙන් Paris Bois de Vincennes හිදී පුජ්‍ය මහගම සුනීත හිමියන් විසින් පවත්වන ලද තෙසැත්තෑ ඤාණ පුජාව.
---

01.සුතමය ඤාණය

ධර්ම දේශකයන් වෙත කන් යොමු කිරීමෙන් අසා දැනගත් ධර්මයන් කෙරෙහි පවත්නා වූ බෙදීම් බවට ගිය ප්‍රඥාව සුතමය ඤාණයයි. කන් යොමු කිරීමෙහි නුවණ සුතමය ඤාණය වශයෙන් සඳහන් කළ හැකියි.

02.සීලමය ඤාණය

අසා හික්මීමෙහි නුවණ සීලමය ඤාණයයි. සුතමය ඤාණය තුළින් අසා දැනගත් ධර්මය මනා ලෙස ශ්‍රවණය කර එයට අනුව හික්මීමෙහි නුවණ සීලමය ඤාණයයි.

03. සමාධි භාවනාමය ඤාණය

සීලමය ඤාණයෙන් සංවර කළාවූ එක් අරමුණක සිත මනා ලෙස පිහිටුවා ගැනීමේ ප්‍රඥාණ සමාධි භාවනාමය ඤාණයයි. කුසල් සිතෙහි එකඟකම සමාධිය යන අදහසයි. කුසල් සිතේ පවත්නා නොවිසිරුණුගතිය සමාධියයි.