خالد ال بريك & ضيف الله السميري - ودك تكون الصامل اللي مايمل من الكفاح 2024

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

  / u511a  


شيلة مهداه الى :
عبدالله بن محسن بن عبدالله ال صمع

كلمات : ضيف الله السميري

فاحت مباهير الدلال الصفر يوم الصدر فاح
بريّةٍ يقطع عماس الراس ريح قنادها

سويتها يوم اذن المذن وحيا للفلاح
واخذت لي فنجال منها ماخدر برادها

هذي مواجيب الضيوف وهذي الخمر المباح
مايترك الرجل المردد عادةٍ يعتادها

نحرص عليها مثل مانحرص على الما والسلاح
ونجيبها لو يقطعون الوصل دون بلادها

الرزق بيبانه تشرعها ملايكة الصباح
لو يدري النايم برزقه نومته ماعادها

الادمي لو يعتبر بالطير خفاق الجناح
ماشال هم مصارع الدنيا وهم جهادها

تسرح طيور الصبح وتلاعب نسانيس الرياح
والله كفيل برزقها كله ورزق اولادها

تطوي جراهيد المسافه من فياح اليا فياح
وتعود معها خزنة الارزاق في معوادها

من تكبر الدنيا بعينه ماتهنا واستراح
ومن رد روحه دون غايتها مانال مرادها

ودك تكون الصامل اللي مايمل من الكفاح
ولا تكون الغافل اللي فرصته ماصادها

اول محطات الغرور اخر محطات النجاح
ياشايفٍ نفسك ترى الدنيا طويلٍ مادها

لا تحسب ان القمه العسره كما الخد البراح
كم واحد عدّا وحوّل من علوّ شدادها

لكن ياعبد الله يابن محسن محط الامتداح
قلايد المدح الحقيقيه نعرف ابعادها

فعلك دليلٍ للوفا واسمك دليلٍ للصلاح
وربعك سواة البندق اللي ما يلكّ زنادها

اليا طرا صيت آل صمع وبارق الامداح لاح
ياحي ذكر العزوه اللي ماتغيب امجادها

مابين مجدٍ حاضرٍ يومه ومجدٍ قبل راح
سواعي التاريخ بين احفادها واجدادها

سلم على خيالة العصما مخضبت الرماح
لا سِلت الحدب الصقيله من بطون غمادها

درع الجنوب اللي لو تزيح الرواسي مايزاح
وركون هيبتها ومنبع عزها واسيادها

قبيلةٍ في حاشد وهمدان ماردها قراح
يوم القبايل كلها ترجع على ميرادها

يزها مناكبهم من المدح الثمين اغلى وشاح
وتلوق فيهم كلمة الشاعر لامنه عادها

دايم ولدهم ينطح العليا بقوه واجتياح
ويشب نار الطيب واليا زاد عمره زادها

نارٍ تلظى من حميّاها ومنهجها سماح
ترفع بيارقها وترسي فوق الارض اوتادها