Скачать или смотреть ბინის მეპატრონეები საკუთარ სახლებში შესვლას ითხოვენ

ამხანაგობის შექმნას და სასამართლოში გასაჩივრებას, 9 აპრილის ქუჩაზე, მშენებარე ბინების მეპატრონეები გეგმავენ.


3 თებერვალს, შსს და იუსტიციის სამინისტროს წარმომადგენლებისგან პასუხის მისაღებად, მშენებარე ბინების მეპატრონეები შეიკრიბნენ.

როგორც ამბობენ, ზოგმა ბინა ჯერ კიდევ 4 წლის წინ შეიძინა თუმცა დღემდე შესვლის უფლებას არ აძლევენ.

როდის დასრულდება ბინების მშენებლობა და როდის შეძლებენ საკუთარ სახლებში ცხოვრებას, ამის შესახებ, მათ პასუხი ყველა იმ წარმომადგენელისგან მოითხოვეს, ვინც 9 აპრილის ქუჩაზე არსებული ბინების მშენებლობაში მონაწილეობას იღებდა, თუმცა უშედეგოდ.

შპს "ზიმოს" ხელმძღვანელი აცხადებს, რომ საკუთარი მოვალეობა შეასრულა და შსს-მ და იუსტიციის სამინისტრომ უნდა გადაწყვიტოს თუ როდის შევლენ მესაკუთრეები ბინებში.

ბინების მფლობელებმა დღეს ამხანაგობის სია შეადგინეს. ისინი ყველა პასუხისმგებელ პირთან წერილის გაგზავნას აპირებენ.

იმ შემთხვევაში თუ უახლოეს 10 დღეში პასუხს არ მიიღებენ, მეპატრონეები სასამართლოში საჩივრის შეტანას გეგმავენ.

108 ბინიდან 105 გაყიდულია.