Скачать или смотреть दापोली शहरामध्ये राजस्थानी तरुणी व महिला यांची टोळी

फ्रेश न्युज दापोली 24

दापोलीत आज सकाळपासून भीतीचे वातावरण; पोलिसांची सतर्कता आणि तत्पर कारवाई कौतुकास्पद

दिनांक १९/११/२५

दापोली- दापोली शहर आणि परिसरात आज सकाळपासून काही तरुणी आणि महिलांकडून नागरिकांना पैसे मागण्याच्या प्रकारामुळे भीतीचे वातावरण निर्माण झाले होते. या महिलांकडून शहरातील प्रत्येक दुकानात जाऊन तसेच प्रत्येक बिल्डिंगमध्ये जाऊन "आम्हाला मदत करा, आम्हाला खायला-प्यायला पैसे नाहीत, आम्ही राजस्थानहून आलो आहोत" असा मजकूर असलेला कागद दाखवत ५०० ते १००० रुपये अशी मागणी केली जात होती.
काही नागरिकांना तर रस्त्यावर अडवून पैसे मागितल्याची तक्रारही व्यक्त केली होती. हा प्रकार वाढत असल्याची माहिती समोर येताच काही व्यावसायिकांनी दापोली पोलिसांना तात्काळ कळविले.
तक्रार मिळताच दापोली पोलीस दलाने तत्परता दाखवत शहरातील अशा महिलांचा शोध घेतला व हॉटेल "उशी" जवळील पटांगणातून काही महिला आणि लहान मुलांना ताब्यात घेतले. त्यांची चौकशी करून परिस्थितीची सविस्तर माहिती घेतली. त्यानंतर मानवी दृष्टीकोनातून पोलिसांनी त्यांना दापोली एसटी स्टँड येथून खेड रेल्वे स्थानकांवर सोडण्याची व्यवस्था केली.
या सर्व प्रकारामुळे दापोलीतील नागरिक काहीसे घाबरले होते, मात्र पोलिसांच्या वेळेवरच्या कारवाईमुळे परिस्थिती नियंत्रणात आली.
दापोलीतील व्यापारी, व्यावसायिक आणि सामाजिक कार्यकर्त्यांनी पोलिसांच्या सतर्कतेचे व तत्पर कामगिरीचे विशेष कौतुक केले आहे.

Join Group
https://chat.whatsapp.com/GkhCAicmQD3...