Скачать или смотреть Kondisyon ng mga pasilidad sa NCMH, layong paimbestigahan ni Sen. Tulfo

Nagsagawa ng surprise ocular inspection si Sen. Raffy Tulfo sa National Center for Mental Health (NCMH) sa Mandaluyong City noong March 27 kasunod ng natanggap niyang ulat tungkol sa 'di maayos na pagtrato sa mga pasyente roon.

“Nakakalungkot na makita ang kalunos-lunos na kalagayan ng ilang mga pasyente sa NCMH sa Mandaluyong. Kung mahina ang iyong sikmura, tiyak na masusuka ka sa sobrang baho ng kanilang ward. Daig pa ang amoy ng kulungan ng baboy," paglalarawan ni Tulfo.

“Sa sahig sila natutulog at walang banig, kumot o unan. Nagsisiksikan na parang mga sardinas at sobrang init na mistulang pugon dahil walang ventilation at kulang sa electric fan,” dagdag ng senador.

Inihain ng senador ang Senate Resolution No. 562 na layong atasan ang Senate Committee on Health na imbestigahan ang kondisyon ng mga pasilidad sa NCMH, tukuyin ang ugat ng mga problema sa operasyon, at managot ang mga responsable sa aniya'y katiwalian sa ospital. #News5

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok:   / news5everywhere  
Website: news5.com.ph