DD News Mizoram - Chanchinthar | 11 August 2024 | 6:30 PM

HEADLINES:

1. Union Minister of State for Rural Development Kamlesh Paswan leh Larsap Dr Hari Babu Kambhampati ten nizan khan Raj Bhavan-ah thil pawimawh hrang hrang an sawi dun.

2. India hmarchhaka Autonomous District Council hrang hrang hruaitute inhmuhkhawm Shillong-a neihah Mizorama Autonomous District Council hotute pawh telin, hmasawnna a thlen theihnan kawng hrang hranga thawhho an rel.

32. Mizoramah tunhnai hian ruihhlo hrang hrang heroin, methamphetamine leh Ganja tawlhruk lama inhnamhnawih zingah hmeichhe man an tam hle tih Mizoram Police ten an sawi.

4. India rama kohhran hrang hrang inzawmkhawm pawl, National Council of Churches in India (NCCI) hnuaia kohhrante chuan National Day of Prayer & Protest an hmang a, Mizorama Kohhran hrang hrang te pawhin India rama Dalit Kristiante leh Dalit Muslim-te en hran leh thliar bik an nih duh loh lantir nan nizan khan an tawngtai rual.

5. Mizo National Front, MNF Thalai Hqrs hruaituten an Vice President Pu Lalnunmawia Pautu hovin tunhnaia Mizoram sorkarin Phuldungsei khuaa ration card nei nghet mi 85 a paihsakte zirchiangin khawtlang hruaitute a hmunah an kawm.

6. Border Security Force 38 battalion leh Marpara police tangkawpten nimin piah tlai lam khan Bangladesh atanga chawkluh nia hriat bungraw chi hrang hrang chu a phurhna lawng chawpin an man.

7. Serchhip District-a Veng leh khaw 30-ah Vawk natna hri, African Swine Fever avangin vawiin khan Vawk 15 a thi leh.

8. Salvation Army Youth, SAY Division Council, Southern Division hnuaia Lunglei khawpui chhung Corp hrang hranga S.A.Y ten Ramthar Corp ah Fakna intawhkhawm, Praise Gathering an hmang.

9. Tlabung leh Lunglei inkara tlan, maxi cab neitu intelkhawm - Tlabung Maxi Cab Welfare-ten karleh thawhlehni atang khian an service titawpa tiam chin awm loa din an rel.

10. Prime Minister Narendra Modi chuan Indian Council of Agricultural Research (ICAR) siam thlai chi chi hrang hrang 109 a tlangzarh.

11. President Droupadi Murmu chu Timor Leste sawrkarin Civil mite chawimawina sang Grand Collar of Order a hlan.

12. Chenna in tina hnam puanzar zar tura beihpui thlakna, Har Ghar Tiranga campaign chu ram pumah hman mek a ni.

13. Defence Minister Rajnath Singh chuan Jammu and Kashmir-a mifirfiakte leh security force te inkahnaa sipai 2 an thi chu pawi a tih thu a sawi.

14. Khawchin hrilhlawktu, India Meteorological Department chuan tun thla ni 16 thleng ram chhung hmar lam leh hmar chhak lamah ruah nasa taka a sur dawn tih a sawi.

15. Paris Olympics-ah India chuan medal 6 a la.

16. External Affairs Minister Dr. S. Jaishankar chuan India-in Maldives nena inlaichinna tha zawk a neih theih nan hma a la a ni, a ti.

17. Prime Minister Narendra Modi-a'n tun thla ni 25-a 'Mann Ki Baat' programme-a thu a sawina turah ram mipuite an ngaihdan thawh turin a sawm.

18. Vawiin khan NEET-PG Entrance Examination 2024 neih a ni.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram