Скачать или смотреть Top Channel/ Spanja e Norvegjia, fond për Palestinën, ministri izraelit: Gazën do ta ndajmë me SHBA!

Spanja dhe Norvegjia njoftuan planet për krijimine një fondi të posacëm për palestinezët. Që prej sulmit të Hamasit tetorin e vitit 2023, Izraeli ka refuzuar t`i transferojë paratë Autoritetet Palestinez, duke krijuar një situatë tejet të vështirë për të.

Nga sa pohoi ministri i Jashtëm spanjoll, Jose Manuel Albares, fondi që synojnë të krijojnë vendi i tij dhe Norvegjia do të shërbejë si kompensim për taksat e mbajtura nga Izraeli. Albares kritikoi gjithashtu ofensivën tokësore të ushtrisë izraelite në Rripin e Gazës dhe e pohoi hapur bindjen se Izraeli po përpiqet t'i japë fund me forcën e armëve mundësisë së krijimit të një shteti palestinez.

Spanja dhe Norvegjia do të punojnë për të vënë në tryezë një fond i cili të ndihmojë në kompensimin e humbjeve të qeverisë palestineze në Bregun Perëndimor për të ardhurat tatimore që po mban Izraeli. Ky i fundit po përpiqet të shkatërrojë me bomba idenë dhe mundësinë e një shteti palestinez, e po kryen në Gaza një masakër të vërtetë.

Izraeli mbledh taksa dhe dogana për Autoritetin Palestinez të Presidentit Abbas, i cili administron pjesë të Bregut Perëndimor të pushtuar dhe prej më shumë se dy vitesh këto para janë bllokuar. Qeveria spanjolle e njohu zyrtarisht Palestinën si shtet në maj të vitit të kaluar. Norvegjia dhe Irlanda gjithashtu e ndërmorën këtë hap. Një ditë më parë, ministri izraelit i financave Bezalel Smotrich shokoi me deklaratën se Rripi i Gazës është një "minierë ari e pasurive të patundshme" dhe se ai është në bisedime me amerikanët se si ta ndajnë atë pas luftës.

"Unë i kam nisur tashmë negociatat", citohet të ketë thënë ai sipas raporteve në mediat izraelite. Gazën e shkatërruam dhe tashmë mbetet vetëm ta rindërtojmë”, ka thënë Smotrich që e cilësoi enklavën një “Eldorado të pasruve të paluajtshme”.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Spain#Palestine#TopChannelNews