Скачать или смотреть Die kat-tannie van Potchefstroom

Dit is donker op die Potchefstroom-kampus van die Noordwes-Universiteit. 'n Afgeleefde motor stop naby die Klawerhof-koshuis en 'n klein, skraal figuurtjie klim uit. In haar hand is 'n plastiekbak.
Agter die koshuis stap sy in 'n stegie af en begin te roep. Vinnig is daar 'n groepie van vyf katte om haar as sy kos uit die bak op die sementblad uitskep. Sy gesels eers met hulle, en dan is sy weer vort -- sy moet nog op 70 ander plekke ook gaan kos gee.
Soos wat sy elke aand die afgelope 12 jaar doen . . .
Die studente noem haar die kat-tannie, lag Nina Burger (66) hier in haar huurhuis in Potchefstroom. "Ek het in 1999 met iets begin waarmee ek nie nou kan stop nie," vertel die weduwee wat 'n groep van sowat 250 rondloperkatte op die kampus en in die dorp onder haar vlerk geneem en op haar karige pensioengeld elke aand voer. Wanneer sy op 'n siek of beseerde katjie afkom, word dié huis toe gebring en eers gesond gedokter voordat sy die diertjie weer terug vat na die kolonie toe.

Volg ons ook op http://www.huisgenoot.com,   / huisgenoot   en   / huisgenoot