Скачать или смотреть सघन कापूस लागवड पद्धतीचा वापर करून शेतकऱ्यांनी आपले उत्पादन वाढवावे- शास्त्रज्ञ डॉ. चारुदत्त मायी

सघन कापूस लागवड पद्धतीचा वापर करून शेतकऱ्यांनी आपले उत्पादन वाढवावे
-जेष्ठ शास्त्रज्ञ डॉ. चारुदत्त मायी, माजी अध्यक्ष, कृषी शास्त्रज्ञ निवड मंडळ, नवी दिल्ली तथा अध्यक्ष साउथ एशिया बायोटेक्नॉलॉजी सेंटर, नवी दिल्ली

कपाशीचे उत्पादन वाढविण्यासाठी नवीन तंत्रज्ञानाचा वापर हाच उत्तम पर्याय असल्याचे मत जेष्ठ शास्त्रज्ञ, साउथ आशिया बायोटेक्नोलॉजी सेंटरचे अध्यक्ष, कृषि शास्त्रज्ञ निवड मंडळाचे माजी अध्यक्ष, भारत सरकारच्या कृषि विभागाचे माजी सचिव, केंद्रीय कापूस संशोधन संस्थेचे माजी संचालक आणि मराठवाडा कृषि विद्यापीठाचे माजी कुलगुरू डॉ. चारुदत्त मायी यांनी व्यक्त केले. त्यासाठी सघन कापूस लागवड पद्धतीचा वापर करून शेतकऱ्यांनी आपले उत्पादन वाढवावे. कपाशीची लागवड जमिनीच्या पोतानुसार तीन बाय एक फुट किंवा तीन बाय अर्धा फुट अंतरावर करून एकरी झाडांची संख्या १४ हजार ते २९ हजार ठेवावी, तसेच वाढ नियंत्रणाचे योग्य उपाय करावेत असा संदेश त्यांनी दिला.

भारतीय कृषि अनुसंधान परिषद संलग्न केंद्रीय कापूस संशोधन संस्था नागपूर ,कृषी विज्ञान केंद्र खरपुडी व ऍग्रोव्हिजन फाउंडेशन नागपूर यांच्या संयुक्त विद्यमाने काल (दि.२५) कृषी विज्ञान केंद्र, खरपुडी (जालना) येथे आयोजित कापूस शेतीदिन व पीक पाहणी कार्यक्रमात प्रमुख अतिथी व मार्गदर्शक म्हणून ते बोलत होते . कार्यक्रमाच्या अध्यक्षस्थानी मराठवाडा शेती सहाय्य मंडळाचे सचिव कृषिरत्न विजयअण्णा बोराडे हे होते, तर उपविभागीय कृषी अधिकारी राम रोडगे, कापूस पैदासकार डॉ. अनिल अनसिंगकर, मराठवाडा शेती सहाय्य मंडळाचे विश्वस्त कृषिभूषण भगवानराव काळे, कृषी विज्ञान केंद्राचे वरिष्ठ शास्त्रज्ञ व प्रमुख डॉ. एस. व्ही. सोनुने यांची व्यासपीठावर प्रमुख उपस्थिती होती.