余慕蓮看透生死盼夢中離去 米雪安德尊陪伴捐獻遺產行善

余慕蓮看透生死盼夢中離去 米雪安德尊陪伴捐獻遺產行善

現年87歲的余慕蓮喺4年前因大病而一度命危，雖然魚毛姐大步檻過，但佢嘅體力都已經大不如前。到今年年初，魚毛姐再度因病入院，醫生亦表示，佢嘅身體情況只會每況愈下，要做好心理準備。

膝下無兒無女嘅魚毛姐並未忌諱生死問題，亦喺有生之年安排好遺產分配，分別將積蓄捐向工業傷亡權益會，物業則捐贈東華三院。呢日，魚毛姐就喺安德尊及米雪陪伴下完成心願，魚毛姐解釋，之所以選擇將遺產捐向工業傷亡權益會都係因為米雪介紹，希望可以將呢筆錢幫助有需要嘅人。

自從大病後，魚毛姐對生死睇得通透，亦欣然接受身體變差嘅事實。雖然無懼死亡，但佢就唔想突然之間離去，所以提前安排好遺產分配，例如將效力TVB十年嘅員工金牌、首飾等都已經一一送出。而魚毛姐就話，希望自己可以喺睡夢中離去，亦唔需要風光大葬，埋喺公園就得。

魚毛姐喺圈中人緣極廣，擁有一眾愛錫佢嘅朋友，就好似大王同米雪姐一知道佢有捐贈遺產心願，都表示相當支持，亦為魚毛姐可以親力安排百年嘅事感到安樂。大王仲話：「佢就算將來離世，如果呢個世界係會返嚟，佢亦會望到，」至於米雪姐就笑言，學大王話齋，呢個係「捐獻旅行團」，亦喺魚毛姐身上學習到豁達樂觀精神。

#余慕蓮 #米雪 #安德尊 #遺產 #生死學 #工業傷亡權益會 #東華三院 #身後事 #死亡
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0