HG: Türkmenistanlylar Belarusyň giňeldýän wizasyz gatnaşyklaryna 'gultunyp' seredýärler - synçy

Şu günki programmamyzda:

- Özbegistan bilen aradaky serhet ýaka sebitlerde ýaşap, özbek mobil operatorlarynyň hyzmatlaryndan peýdalanýan türkmenistanlylar häkimiýetler tarapyndan nyşana alynýar. Azatlyk Radiosynyň habarçysy hökümet edaralaryndaky biri-birinden habarsyz aýry-aýry iki çeşmesine hem-de birnäçe sebit ýaşaýjysyna salgylanyp, bu barada 23-nji iýulda habar berdi.

- Türkmenistandaky awtoritar dolandyryşyň we ýapyklygyň esaslaryny goýan Saparmyrat Nyýazowyň GDA ýurtlary bilen arada wiza düzgünini girizenine geçen aý 25 ýyl doldy we, türkmenistanlylar Belarusyň hökümdary Aleksandr Lukaşenkonyň ýewropa ýurtlary bilen arada 30 günlük wizasyz sapar düzgünini girizmegine 'gözi gitmek bilen, täsin bir erteki ýaly' seredýärler diýip, Aşgabatdan gelen habarda aýdylýar.

- Prezident Wolodymyr Zelenski Ukrainanyň ABŞ-nyň prezidenti Jo Baýdeniň gaýtadan saýlanmak üçin dalaşgär bolmakdan çekilmek baradaky "kyn, ýöne güýçli kararyna" hormat goýýandygyny aýtdy.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar