Тушда ит кўрса нима бўлади?

Тушда ит кўрса нима бўлади?


Тушда ит кўрса…
Тушда ит кўрмоқ турлича таъбир қилинади. Агар тушингизда тажовузкор ит ташланса ёки тишлаб олса, бу сизнинг ҳақиқий ҳаётда нимадандир қўрқувда, хавотирда эканлигингизни билдиради. Яна бу туш атрофингизда сизни ёқтирмайдиган инсонлар, хоин борлигига ишора. Бундай туш келажакдаги синовлардан ҳам далолат беради. Қопағон ёки ориқ ит хасталикка ишора. Ёқимтой кучук боласи дўстларингиз ва яқинларингиздан ажойиб совға белгиси.
Агар тушда ит кишининг қўлидан тишлаб олса, бу ишдаги нохушликлар, омадсизликка ишора. Агар тушда оппоқ итни кўрсангиз, каттагина ютуқни қўлга киритишга тайёрланинг. Бунда сизга яқин дўстларингиз ёрдам беради. Тушингизга катта ва қўрқинчли ит кирса, бу яқинларингиздан бири бемор бўлиши, агар шундай ит тишлаб олса узоқ вақт тинчимайдиган жанжалга ишора бўлиши мумкин.
Агар тушингизда орқангизда ит ириллаб турганини кўрсангиз, унда атрофингиздагилардан эҳтиёт бўлинг, кимлардир сизни оёқдан чалиш учун пайт пойлаб турган бўлиши мумкин.
Шунингдек, тушда ит кўрмоқ ўнгингизда ҳам сизга зарар берадиган душманга ишора бўлади. Ит қанчалик тажовузкор бўлса, душманингиз ҳам шунчалик аёвсиз.
Агар тушга кирган ит сизга қараб ҳурса, шахсингизга нисбатан бўҳтонлардан эҳтиёт бўлинг. Шунчаки қаердандир итнинг ҳурганини эшитсангиз, бу беҳуда гапларга ишора. Баъзида бу адолатсиз хатти-ҳаракатларингиздан афсус чекаётганингизни ҳам билдиради.
Уйсиз дайди ит машаққат билан топганларингизни осонгина йўқотишингиз мумкинлигига ишора. Кўпинча тушга кирган ит дўстларни ифодалайди, агар ит сизга эркаланса, сиз билан ўйнаса, вафодор дўстларга, агар ташланса, аксинча, дўстлардан хафалик кўришга ишора бўлади.
Агар тушга този ит кирса, бу барча бошлаган ишларингиз омадли бўлишини билдиради. Агар тушда сизга кучукча ҳадя қилишса, бу шахсий ҳаётда қувончли воқеалар бўлишидан далолат беради.
Тушда кўплаб итларни кўрса, бу узоқ ва бахтли ҳаётга ишора. Бу яна ҳаракатларингиз бесамар кетмагани, натижалар яқин эканини билдиради. Бундай туш бачра машаққатларга қарамай, сиз ҳаётда тўғри йўлдан бораётганингизга ишора бўлади.