Скачать или смотреть മുല്ലപ്പെരിയാര്‍ അണക്കെട്ടിന്റെ നിര്‍മ്മാണം കാണാം - Mullaperiyar dam construction

കല്ലും ചുണ്ണാമ്പും സുര്‍ക്കി മിശ്രിതവും ഉപയോഗിച്ച് 1895-ല്‍ നിര്‍മ്മാണം പൂര്‍ത്തിയാക്കിയ അണക്കെട്ടാണ് മുല്ലപ്പെരിയാര്‍ ഡാം. 1886 ഒക്ടോബര്‍ 29-ാം തീയതി തിരുവിതാംകൂറും മദ്രാസ് സ്‌റ്റേറ്റും തമ്മില്‍ 999 വര്‍ഷത്തേക്ക് ഒപ്പുവെച്ച കരാറിന്റെ അടിസ്ഥാനത്തിലായിരുന്നു അണക്കെട്ടിന്റെ നിര്‍മ്മാണം. ഇവിടെ നിന്നുള്ള വെള്ളം തമിഴ്‌നാടന്‍ കൃഷിയിടങ്ങളിലെ ജലസേചനത്തിനാണ് ഉപയോഗിക്കുന്നത്. ഇന്ത്യക്ക് സ്വാതന്ത്ര്യം ലഭിച്ചപ്പോള്‍ മുല്ലപ്പെരിയാര്‍ ഉള്‍പ്പെടെ അതുവരെയുള്ള എല്ലാ കരാറുകളും അസാധുവായെങ്കിലും, സി. അച്യുതമേനോന്‍ കേരളത്തിന്റെ മുഖ്യമന്ത്രി ആയിരുന്ന കാലത്ത് 1970 മെയ് 29-ന് 999 വര്‍ഷത്തേക്ക് തമിഴ്‌നാടുമായി വീണ്ടും കരാര്‍ പുതുക്കി ഒപ്പുവെച്ചു. 130 വര്‍ഷങ്ങള്‍ക്ക് മുന്‍പ് നിര്‍മ്മിച്ച അണക്കെട്ട് ഇപ്പോള്‍ അതീവദുര്‍ബ്ബലമാണ്. ഏതുനിമിഷവും തകര്‍ന്നേക്കാവുന്ന ഡാമുകളുടെ പട്ടികയിലാണ് മുല്ലപ്പെരിയാര്‍ അണക്കെട്ടെങ്കിലും പ്രശ്‌നപരിഹാരത്തിന് ഇനിയും നടപടിയായിട്ടില്ല. ഇതുമൂലം കേരളത്തിലെ ലക്ഷക്കണക്കിന് ആളുകള്‍ വലിയ ഭീതിയിലാണ്.