Скачать или смотреть Saalumarada Thimmakka: ಮರಗಿಡಗಳು ಬೆಳೆದರೆ ಕುಟುಂಬ ಬೆಳೆಯುತ್ತೆ, ಊರು ಉದ್ಧಾರವಾಗುತ್ತೆ! | Vijay Karnataka

ಮರಗಿಡಗಳು ಬೆಳೆದರೆ ಕುಟುಂಬ ಬೆಳೆಯುತ್ತೆ, ಊರು ಉದ್ಧಾರವಾಗುತ್ತೆ. ಮರಗಳು ಬೆಳೆದಂತೆ ಪರಿಸರದ ಮೇಲೆ ಉತ್ತಮ ಪರಿಣಾಮ ಬೀರುತ್ತದೆ ಎಂದು ಪದ್ಮಶ್ರೀ ಪುರಸ್ಕೃತೆ ವೃಕ್ಷಮಾತೆ ಸಾಲುಮರದ ತಿಮ್ಮಕ್ಕ ಹೇಳಿದರು. ಶಿವಮೊಗ್ಗದ ಸರ್ಜಿ ಫೌಂಡೇಷನ್ ಹಾಗೂ ಸೇಂಟ್ ಜೋಸೆಫ್ ಅಕ್ಷರಧಾಮ ವಿದ್ಯಾಸಂಸ್ಥೆ ಸಹಯೋಗದಲ್ಲಿ ಶಾಲಾ ಆವರಣದಲ್ಲಿ ವಿಶ್ವ ಪರಿಸರ ದಿನಾಚರಣೆ ಪ್ರಯುಕ್ತ ವನ ಮಹೋತ್ಸವ ಹಾಗೂ ಪರಿಸರ ಸಂಬಂಧಿ ಚಿತ್ರಗಳನ್ನು ಬಿಡಿಸಿದ ಮಕ್ಕಳಿಗೆ ಬಹುಮಾನ ವಿತರಿಸಿ ಮಾತನಾಡಿದರು.

ಮರಗಿಡಗಳನ್ನು ರಕ್ಷಿಸಿದರೆ ಅದು ನಿಮ್ಮ ಕುಟುಂಬವನ್ನೇ ಸಂರಕ್ಷಿಸುತ್ತದೆ. ಊರು, ಕೇರಿ, ಜನ, ಕುಟುಂಬಗಳು ಸಂತೋಷವಾಗಿರಬೇಕಾದರೆ ಗಿಡ, ಮರಗಳನ್ನು ಮಕ್ಕಳಂತೆ ನೋಡಿಕೊಳ್ಳಬೇಕು. ಆಗ ಊರು ಉದ್ಧಾರವಾಗುತ್ತದೆ. ಊರಿನಲ್ಲಿ ಜನಗಳು ಯಾವ ರೀತಿ ಒಟ್ಟಾಗಿ ಗುಂಪಾಗಿ ಇರುತ್ತಾರೋ ಅದೇ ರೀತಿ ಮರಗಳನ್ನು ಕೂಡ ಗುಂಪು ಗುಂಪಾಗಿ ಬೆಳೆಸಬೇಕು. ಈ ನಿಟ್ಟಿನಲ್ಲಿ ಒಬ್ಬರಿಗೊಬ್ಬರು ಸಹಕರಿಸಬೇಕು. ಪರಿಸರ ವೃದ್ಧಿಯಾದರೆ ಮಳೆ, ಬೆಳೆ ಚೆನ್ನಾಗಿ ಬರುತ್ತದೆ. ಎಲ್ಲರಿಗೂ ಸುಖ, ಸಂಪತ್ತು ಲಭ್ಯವಾಗುತ್ತದೆ. ಕಷ್ಟಗಳು ದೂರವಾಗುತ್ತದೆ. ಸತಿ-ಪತಿ ಭಾಗ್ಯ, ಮಕ್ಕಳ ಭಾಗ್ಯ ದೊರಕುತ್ತೆ ಎಂದರು.

ಸರ್ಜಿ ಫೌಂಡೇಷನ್ ನ ರೂವಾರಿ ಹಾಗೂ ಖ್ಯಾತ ಮಕ್ಕಳ ತಜ್ಞ ಡಾ. ಧನಂಜಯ ಸರ್ಜಿ ಮಾತನಾಡಿ, ನಾನಾ ಶಾಲೆಯ 2,200 ಮಕ್ಕಳಿಗೆ ಸುತ್ತಲ ಪರಿಸರ ಸಂಬಂಧ ಚಿತ್ರಕಲಾ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಈ ಕಾರ್ಯಕ್ರಮವನ್ನು ಅರ್ಥಪೂರ್ಣವಾಗಿ ನಡೆಸಲು, ಮಕ್ಕಳಿಗೆ ಬಹುಮಾನ ವಿತರಿಸಲು ಸಾಲುಮರದ ತಿಮ್ಮಕ್ಕ ಅವರನ್ನು ಕರೆಸಲು ನಿಶ್ಚಯ ಮಾಡಿದೆವು. ನಾವೇ ಮಕ್ಕಳನ್ನ ಬೆಂಗಳೂರಿಗೆ ಕರೆದುಕೊಂಡು ಹೋಗಿ ತಿಮ್ಮಕ್ಕರಿಂದ ಬಹುಮಾನ ವಿತರಣೆ ಮಾಡುವ ಸಂಕಲ್ಪ ಮಾಡಿದ್ದೆವು. ಆದರೆ ಅವರೇ ಬಂದರು.‌ ಶತಾಯುಷಿ ತಿಮ್ಮಕ್ಕಗೆ ದೇವರು ಉತ್ತಮ ಆರೋಗ್ಯ ನೀಡಿ ಹೀಗೆ ಮಕ್ಕಳನ್ನ ಹರಸಲಿ ಎಂದರು.

#SaalumaradaThimmakka #Savetrees #Shivamogga

Our Website : https://Vijaykarnataka.com
Facebook:   / vijaykarnataka  
Twitter:   / vijaykarnataka