Скачать или смотреть 🔎 Jizzaxda yashirin iqtisodiyotga qarshi tizimli ishlar davom etmoqda

Joriy yil 27-yanvar kuni Prezidentimiz rahbarligida o‘tkazilgan videoselektor yig‘ilishida iqtisodiyot shaffofligini ta’minlash va budjet tushumlarini oshirish bo‘yicha ustuvor vazifalar belgilab berilgan edi.

Bugungi kunda Jizzax viloyatida 11 098 nafar yakka tartibdagi tadbirkor faoliyat yuritmoqda. Olib borilgan tushuntirish ishlari natijasida ularning 9 998 nafari yagona QR-kodli to‘lov tizimiga ulandi.

✔️ Kuni kecha yana 109 nafar tadbirkor mazkur tizimda ish boshladi.
📌 Qolgan tadbirkorlar bilan amaliy yordam ishlari davom etmoqda.

Jizzax viloyati soliq boshqarmasi hamda Bosh prokuratura huzuridagi Iqtisodiy jinoyatlarga qarshi kurashish departamenti viloyat boshqarmasi tomonidan “Ko'k saroy” ixtisoslashgan savdo kompleksi hududida o'rganish ishlari amalga oshirildi.


“Ko‘k saroy” savdo kompleksida o‘tkazilgan o‘rganishlar davomida ayrim tadbirkorlar tomonidan QR tizimidan to‘liq foydalanilmayotgani, naqd tushumlar platformada aks ettirilmagani aniqlandi. Tushuntirish ishlaridan so‘ng kamchiliklar bartaraf etildi.

Shuningdek, ayrim holatlarda yollanma xodimlarni rasmiylashtirmaslik va soliq hisobotlarida xodimlar sonini to‘liq ko‘rsatmaslik holatlari ham qayd etildi.

💬 Mutaxassislar tomonidan norasmiy ish o‘rinlarini legallashtirish, onlayn-NKT chek berish va “Paynet Xolis” platformasidan to‘g‘ri foydalanish bo‘yicha tavsiyalar berildi.

Shaffof iqtisodiyot — barqaror taraqqiyot kafolati.

📱Telegram (https://t.me/Jizzax_soliquz) |📱 Facebook (https://www.facebook.com/groups/1531799053... |📱 Instagram (https://www.instagram.com/jizzaxsoliq/) | 📱Youtube (   / @jizzax_soliq  )