Скачать или смотреть Tamil Thevaram Songs - மங்கையர்கரசி - குடும்பத்தைக் காக்க மங்கையர்கள் பாட வேண்டிய அற்புதமான பதிகம்

To Support, Kindly Subscribe this Channel.
அ௫ளியவர் : திருஞானசம்பந்தர்
திருமுறை : மூன்றாம் திருமுறை
பண் : புறநீர்மை
நாடு : பாண்டியநாடு
தலம் : ஆலவாய் (மதுரை) - அருள்மிகு மீனாட்சி சுந்தரேஸ்வரர் திருக்கோயில்

திருச்சிற்றம்பலம்
மங்கையர்க் கரசி வளவர்கோன் பாவை
வரிவளைக் கைம்மட மானி
பங்கயச் செல்வி பாண்டிமா தேவி
பணிசெய்து நாடொறும் பரவப்
பொங்கழ லுருவன் பூதநா யகனால்
வேதமும் பொருள்களும் அருளி
அங்கயற் கண்ணி தன்னொடும் அமர்ந்த
ஆலவா யாவதும் இதுவே
திருச்சிற்றம்பலம்

தெளிவுரை : மங்கையர்க்கரசி என்பவர், சோழர் குலத்தில் தோன்றிய நங்கை; கையில் வளையல் அணிந்தவராய், மடப்பம் என்னும் பண்பும் பெருமையும் உடையவர்; தாமரை மலரில் மேவும் திருமகளுக்கு ஒப்பானவர்; பாண்டிய மன்னனின் பட்டத்தரசியானவர். அத்தகையவர், நாள்தோறும்போற்றிப் பணி செய்யும் பெற்றியுடைய அப்பெருமான், எரியும் நெருப்பின் வண்ணத்தவர்; பூத கணங்களின் தலைவர்; நான்கு வேதங்களையும் அதன் பொருள்களையும் அருளிச் செய்த பரமன்; அங்கயற்கண்ணியாகிய உமாதேவியை உடனாகக் கொண்டு விளங்குபவர். அவர் வீற்றிருக்கும் ஆலவாய் எனப்படுவது, இதுவே !

பதிக வரலாறு :
பாண்டிய நாட்டிற்கு சமணர்களால் கேடு வந்த சமயம் மங்கையர்க்கரசியார் சாதுரியமாக ஆட்சிபுரிந்து அமைச்சர் குலச்சிறையாருடன் சென்று சம்பந்தர் மூலமாக அக்கேட்டை நீக்கினாள்; மன்னனையும் மீட்டெடுத்தாள். நாட்டையும் வீட்டையும் தக்க சமயத்தில் கைகொடுத்துக் காப்பாற்றினாள். மங்கையர்க்கரசி மங்கையர்க்கு எல்லாம் அரசியாகி 63 நாயன்மார்களில் ஒரு நாயன்மாராகவும் சிறப்பித்துப் பேசப்படுகிறார்.

பயன் :
திருமணமான மங்கைகள் மங்கையர்கரசியார் பதிகம் பாட கணவனை நல்வழிப் படுத்தி வீட்டையும் நாட்டையும் காபாற்றும் கடவுள் திறன் பெறுவாள். திருமண வயது வந்தோர் பாடினால் நல்ல கணவன் மனைவி வாய்க்கப்பெறுவார்கள்.