Скачать или смотреть ဝက်လက်-ရွှေဘို တိုက်ပွဲပြင်းထန်၊ စစ်ကော်မရှင်တပ်ဖွဲ့ဝင်၃၄ ဦး သေဆုံးပြီး တော်လှန်ရေးရဲဘော် ၂ ဦးကျဆုံး

Video - စစ်ကိုင်းတိုင်း၊ ဝက်လက်မြို့နယ် နှင့် ရွှေဘိုမြို့နယ်များတွင် စစ်ကော်မရှင်တပ်ဖွဲ့ နှင့် တော်လှန်ရေးတပ်ဖွဲ့များအကြား ထိတွေ့ တိုက်ပွဲများ ဖြစ်ပွားခဲ့ရာ စစ်ကော်မရှင်တပ်ဘက်က ၃၄ ဦး သေဆုံးပြီး၊ တော်လှန်ရေးတပ်ဖွဲ့ဝင် နှစ်ဦး ကျဆုံးခဲ့ကြောင်း သိရသည်။ (အမှတ် - ၉၇၀၆ တပ်ရင်း)

MTO

မဇ္ဈိမ။ ။ စစ်ကိုင်းတိုင်း၊ ဝက်လက်မြို့နယ် နှင့် ရွှေဘိုမြို့နယ်များတွင် စစ်ကော်မရှင်တပ်ဖွဲ့ နှင့် တော်လှန်ရေးတပ်ဖွဲ့များအကြား ထိတွေ့ တိုက်ပွဲများ ဖြစ်ပွားခဲ့ရာ စစ်ကော်မရှင်တပ်ဘက်က ၃၄ ဦး သေဆုံးပြီး၊ တော်လှန်ရေးတပ်ဖွဲ့ဝင် နှစ်ဦး ကျဆုံးခဲ့ကြောင်း ရွှေဘိုခရိုင်တပ်ရင်း (၁၅) မှ ယနေ့ (ဒီဇင်ဘာလ ၁ ရက်) တွင် ထုတ်ပြန်လာသည်။

နိုဝင်ဘာလ ၂၇ ရက်နေ့ နံနက် ၆ နာရီအချိန်တွင် ဝက်လက်မြို့နယ်၊ စိုင်နိုင်လေး ကျေးရွာတွင် အထိုင်ချ တပ်စွဲထားသည့် စစ်ကော်မရှင်တပ်စစ်ကြောင်းကို ဝင်ရောက်တိုက်ခိုက်ခဲ့ရာ စစ်ကော်မရှင်တပ်ဖွဲ့ဝင် လေးဦး သေဆုံးကြောင်း ရွှေဘိုခရိုင်အမှတ် (၁၅) တပ်ရင်းထံမှ သိရသည်။

“ ကျတော်တို့ဝင်ပြီး လုံးတာ ကျတော်ဘက်က တော်တော်လေး အသာစီးရနေပြီးတာ ကျည်ဆံ နည်းလာလို့ ပြန်ဆုတ်လာရတယ်၊ သူတို့ဘက် မှာ သေဆုံး ထိခိုက်မှုတွေ ရှိတယ်" ဟု တပ်ရင်းမှူး ဗိုလ်ကောက်ရိုး က မဇ္ဈိမသို့ ပြောသည်။

တိုက်ပွဲသည် အချိန် ခြောက်နာရီအထိ ကြာမြင့်ခဲ့ပြီး တိုက်ပွဲအတွင်း စစ်ကော်မရှင်၏ ရွှေဘိုတပ်မ(၄၂) မှ ဟောင်ဝှစ်ဇာဖြင့် ၁၉ ကြိမ်၊ မုံရွာ အနောက်မြောက်တိုင်း စစ်ဌာနချုပ်မှ Gyrocopter သုံးစီးဖြင့် လေကြောင်းပစ်ကူပေး ပြန်လည်တိုက်ခိုက်ခဲ့ကြောင်း သိရသည်။

အထိနာသွားသည့် စစ်ကော်မရှင်တပ်ဖွဲ့သည် အင်အားဖြည့်တင်းရန် ညနေ ၃ နာရီ အချိန်ခန့်တွင် ရွှေဘိုမြို့တောင်ဖက် မုဒ်ပေါက်မှ ထွက်လာသည့် စစ်ကော်မရှင်တပ်သားနှင့် ပျူစောထီးပူးပေါင်း အင်အား ၇၀ ခန့်သည် ရွှေဘို-မန္တလေး လမ်းမကြီးအတိုင်း စစ်ကြောင်းထိုးလာရာ တော်လှန်ရေးတပ်ဖွဲ့ များက ကြားဖြတ်တိုက်ခိုက်ခဲ့သည်။

ထိုကဲ့သို့ ကြားဖြတ် တိုက်ခိုက်မှုကြောင့် စစ်ကော်မရှင်တပ်ဖက်မှ ၃၀ ဦး အထိ ကျဆုံးခဲ့ပြီး စစ်ကြောင်းပျက်ကာ ရွေဘိုမြို့ တောင်ဘက်မုဒ်ပေါက်သို့ ပြန်လည် ဝင်ရောက်သွားကြောင်း ရွှေဘိုခရိုင်တပ်ရင်း (၁၅) ထံမှ သိရသည်။

“ ကျတော်တို့ ရဲဘော်တွေ တိုက်စွမ်းရည်တွေ ပိုမိုကောင်းမွန်လာတာလည်း ပါတယ်။ ညီနောင်ရင်းတွေ အနေနဲ့လည်း စည်းလုံး ညီညွတ်စွာ နဲ့ စစ်ကြောင်းကိုပဲ ဦးတည် တိုက်ခိုက်ခဲ့လို့ အောင်မြင်မှုရခဲ့တာ” ဟု ဗိုလ်ကောက် ရိုးက ပြောသည်။

အဆိုပါ တိုက်ပွဲ နှစ်ခု အတွင်း စစ်ကော်မရှင်တပ်ဘက်မှ လက်နက်မျိုးစုံး ၁၁ လက် နှင့် RPG ထိပ်ဖူးများ၊ အခြား ဆက်စပ်ပစ္စည်းများကိုလည်း သိမ်းဆည်းနိုင်ခဲ့ကြောင်း သိရသည်။

ယခုတိုက်ခိုက်မှုများကို ရွှေဘိုမြို့နယ် ပကဖ တိုက်ခိုက်ရေး (PDO) အဖွဲ့၊ တိုက်နယ် (၁၊၂၊ ၃၊ ၄၊ ၅၊ ၆) ပကဖ တိုက်ခိုက်ရေးအဖွဲ့များ၊ ဒီပဲယင်းမြို့နယ် ပကဖ ဂဠုန်မင်းတိုက်ခိုက်ရေးအဖွဲ့နှင့် ရွှေဘိုမြို့နယ် ပကဖ Droneအဖွဲ့ ၊ တိုက်နယ်(၅) ပကဖ Drone အဖွဲ့နှင့် မဟာမိတ်ညီနောင်တပ်ရင်းများဖြစ်ကြသော ရွှေဘိုခရိုင်တပ်ရင်း (၁၅၊ ၁၈၊၂၃၊ ၂၆၊ ၉၇၀၆- Together We Can) တို့ပူးပေါင်း၍ ဆောင်ရွက်ခဲ့ခြင်းဖြစ်ကြောင်း သိရသည်။

စာတည်း။ ။ နောင်နောင်

#ဝက်လက်
#ရွှေဘို
#စစ်ကိုင်းတိုင်း
#PDF
#Mizzima
-----------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။
https://bit.ly/2VhJ12U or https://tinyurl.com/donatemzm

Subscribe Mizzima TV :
   / @mizzimanewstv  

One link to follow all Mizzima platforms:
https://mizzima.carrd.co