شيلة مناشده للشعب اليمني من محمد الحشيبري بعد مقتل زوجته

هاذه المرثيه م̷ـــِْن الاخ محمد احمد بعد قتل زوجته فاطمه المقتوله ضلم وعدوان يناشد بها كل الشعب اليمني ان يقفو بجانبه ضدالقاتلين ويناشد الحكام بسرعة القصاص والقصيده تحكي وتعبر بما فيها

بسمك انت ياذو الجلال
محمد احمد قال
يوصف كيف قهرالرجال

ذي خلا محمد حزين

قصه يابشر مؤلمه
عن ذي قدقتل فاطمه
يوم جوها وهي نايمه

يسرق لذهب ذي ثمين

جريمه تهز البدن
سوو قد سمعها اليمن
قصة زوجتي باالحزن

ذي ماتت حنيني حنين

كانت بين اطفالها
نص اليل في حالها
في البيت نايمه جالها

اثنين هم سرق مجرمين

صحيت قبل مايسرقو
لاكن باالحبال كتفو
ايديها وقد دخلو

فمهاشاش ياسامعين

قامو يضربوها بفاس
كم ياضرب كسر لراس
وافتها المنيه بفاس

مضلومه وهم ضالمين

وانا الفجرجاني اتصال
خلا عيشتي في نكال
يوم قالولي ام العيال

ماتت زوجتك والضنين

جسمي انهار م̷ـــِْن ذا الخبر
في الغربه فؤادي اقتهر
جلطه بعده جت اثر

هاذا العلم فيني بحين

قدمسكو لمن قدقتل
لايد المحاكم وصل
اثنين مجرمين والخلل

لاذلحين هم عايشين

يحي بن حبيش الذليل
قاتل عمد ماهو اصيل
عادعمار قاتل دخيل

كانو للمره قاتلين

والقصه لـٍهآ يبشر
سادس عام ذلحين مر
والله قد عدمت النضر

وسط الحبس هم جالسين

ياليت كل شعب اليمن
يسمع قصتي والحزن
يوقف جانبي ذا الوطن

به ماخاب ضني يمين

باناشد رجال اليمن
توصل قصتي للعلن
بااعلئ صوت قلنا علن

نشتي اعدام للمجرمين

نفتح للقضيه ملف
كلين منهم اعترف
ليش اعدامهم قدوقف

وين العدل يامسلمين

نطلب كلنا باالقصاص
واعدام الجناه باالرصاص
مطلب شعب للحكم خاص

احنا شعب حكمه ودين

وين العدل هاذا حرام
ضاع الحق ضاع السَلٱمٌ
مانقبل بهاذا الكلام

كل الشعب ڵـهٍ رافضين

لآزٍمٍ تعدمو للجناه
حكم •اللّـہ̣̥ مابش سواه
ومحمد شعبه معاه

ضدالضلم والضالمين

لآزٍمٍ م̷ـــِْن قتل فاطمه
بسرع وقت ان نعدمه
اي والله مانرحمه

اوفي قتلها نستهين

ليش للان عادم بخير
ذي مابه معاهم ضمير
لآزٍمٍ قتل قاتل حقير

مايجلس دقيقه سجين

محمد علئ زوجته
تنزل كل ساع دمعته
ياغبنه وياحسرته

غاثي طول عمره حزين

ماتت فاطمه والحياه
بعدش ضلمت م̷ـــِْن غثاه
كل الناس تسمع بكاه

دمعه سال في كل حين

ياالله ترحم ام العيال
مضلومه تشد الرحال
والقاتل ضروري ينال

اعدامه وقتله بحين

واختمها بااطهر بشر
المختار نور النضر
صلو ع النبي يابشر

نور الحق طه الامين