Скачать или смотреть ប្រវត្តិនៃការតស៊ូរបស់ក្រុមចំរៀង BTS

BTS បច្ចុប្បន្នគឺជាក្រុមចំរៀងកូរ៉េខាងត្បូងដ៏អស្ចារ្យ ដែលត្រូវបានគេទទួលស្គាល់ជាសកល និងមានអ្នកគាំទ្ររាប់រយលានអ្នកទូទាំងពិភពលោក។ ហេតុផលធំបំផុតដែលនាំអោយក្រុមចំរៀងកូរ៉េខាងត្បូងនេះ ល្បីល្បាញខ្លាំងបំផុត គឺដោយសាសមាជិកគ្រប់រូប គឺពោពេញដោយការតស៊ូ ជាមួយទុក្ខលំបាកជាច្រើន។ ពួកគេត្រូវបានគេមើលងាយថា មិនសាកសមជាកំពូលតារាចំរៀង ។ គេរិះគន់ និង មិនបានគោរពសមាជិកម្នាក់ៗឡើយ។ សមាជិកខ្លះក៏ផ្តើមមានអារម្មណ៍ថា រងទុក្ខ រហូតដល់កើតជម្ងឺបាក់ទឹកចិត្ត និងធុញថប់យ៉ាងខ្លាំង។

នៅឆ្នាំដំបូង ពួកគេត្រូវគេងជាមួយគ្នា ហើយសមាជិកខ្លះមិនទាំងមានលុយទិញអាហារផង។ ព្យុះបោកបក់ពួកគេរហូត ស្ទើតែបំបែកក្រុមចាប់តាំងពីមិនទាន់បង្ហាញខ្លួនដំបូងមកម្លេះ ដោយសាតែគ្មានប្រាក់គ្រប់គ្រាន់។ ពួកគេត្រូវបាន ក្រុមហ៊ុន តារារ៉េប ក្រុមចំរៀងផ្សេងទៀតមួយចំនួន វិនិច្ឆ័យសមត្ថភាពយ៉ាងឃោឃៅ និងពិបាកទទួលយកបំផុត។ ពួកគេចោទប្រកាន់ ក្រុមចំរៀងមួយនេះ តាមតែអ្វីដែលគេគិតឃើញ ជាមួយហេតុផលរបស់ពួកគេ ប៉ុន្តែការសាមគ្គី របស់ក្រុមមួយនេះ និង អ្នកគាំទ្រដែលមានឈ្មោះថា ARMY ពិតជាខ្លាំងខ្លា និងគួរស្ងើចសរសើរបំផុត។

ពួកគេជួបរឿងឈឺចាប់ និងស្ថានភាពដ៏ខ្មៅងងឹតជាច្រើន ប៉ុន្តែពួកគេមិនបានដួលរំលំឡើយ។ ពួកគេព្យាយាមហ្វឹកហាត់យ៉ាងខ្លាំងខ្លា និងធ្វើការយ៉ាងសកម្មបំផុត មិនថាពេលថ្ងៃ ឬយប់ តាមដែលអាចទៅរួចដើម្បីក្តីស្រមៃរួមមួយរបស់ពួកគេ គឺក្លាយទៅជា IDOLរបស់អ្នកគាំទ្រ Kpopទូទាំងពិភពលោក។

R.M ដែលជាប្រធានក្រុម ត្រូវបានគេរិះគន់ថាមិនស្អាតសាកសមចូលក្រុមចំរៀង ហើយឳពុកម្តាយគាត់ក៏មិនគាំទ្រអោយគាត់ក្លាយជាអ្នកចំរៀងដែរ។ V ធំធាត់ជាមួយលោកយាយជាកសិករនិងមិនមានលុយកាក់ច្រើនឡើយ។ J hop មានឳពុកដែលមិនគាំទ្រគាត់ក្លាយទៅជាអ្នករាំ ប៉ុន្តែមានតែម្តាយម្នាក់គត់ដែលគាំទ្រគាត់។ Sugaកើតក្នុងគ្រួសារក្រីក្រ និងមានឳពុកម្តាយដែលមិនចង់អោយគាត់ក្លាយទៅជាតារាចំរៀង។ Jin ក៏មិនសូវខុសពីសមាជិកផ្សេងដែរ ម្តាយរបស់គាត់ តែងតែមិនសូវអោយតម្លៃលើសមត្ថភាពគាត់ ក៏ត្រូវបានគេរិះគន់ថា គាត់មិនមានទេព្យកោសលសោះឡើយ។ Jimin ត្រូវបានគេរិះគន់ថា ធាត់ និងមិនមានសមត្ថភាពគ្រប់គ្រាន់ដើម្បីក្លាយទៅជាតារាចំរៀង។ Jung Kook ជាក្មេងប្រុសដែលអៀនខ្មាស់បំផុតម្នាក់។

មើលចុះ ពួកគេចាប់ផ្តើមពីគ្មានអ្វីសោះ រហូតក្លាយទៅជាក្រុមចំរៀងរបស់ពិភពលោក។ ពួកគេព្យាយាមជាមួយព្យុះបោកបក់គ្រប់បែបយ៉ាង។ ពួកគេធ្វើគ្រប់យ៉ាងដើម្បីក្តីស្រមៃ និង បំណងប្រាថ្នារបស់ពួកគេ។

ពេលខ្លះការមើលងាយរបស់អ្នកដទៃ ដូចជាថ្នាំដ៏ពិសេសម៉្យាង ដែលធ្វើអោយអ្នកកាន់តែរឹងមាំ និងអង់អាចបំផុត។ អ្នកអាចសម្រាក បើអ្នកហត់តែកុំឈប់អី ត្រូវតែទៅមុខទៀត។ អ្នកត្រូវតែអោយអ្នកមើលងាយអ្នក ដែលកំពុងតែចាំសើចចំអកពេលអ្នកដួល ទៅជាមនុស្សចាំទះដៃសាទរពេលអ្នកជោគជ័យ។ សូមចងចាំថា កុំឱ្យឯងខ្លួនក្លាយទៅជាបុគ្គលស្រមើស្រមៃ តែត្រូវពុះពាដើម្បីសម្រេចក្តីស្រមៃរបស់ខ្លួនឯង។