【Backup蘋果動新聞】【抗暴之戰】葵芳撞向人群交警已復工 鄧炳強盲撐：唔存在放縱仍積極調查 （2019年12月1日）

【新增內容】 反送中運動持續至今近半年，新任警務處處長鄧炳強今早分別接受商台及無綫的訪問。上月有交通警員在葵芳以電單車衝向人群，須即時休假，但有報道指該名警員已復工。鄧炳強出席無綫電視節目「講清講楚」時稱，事件仍調查中，但沒有否認涉事警員已復工，「調查緊唔代表同事唔可以去執行職務」。而主持再追問涉事警員已復工，會否令市民覺得是放縱該警員，「當然唔存在放縱問題啦，我哋嘅調查係嚴肅嘅。」 警方圍攻理工大學事件，引起社會關注。鄧炳強指拘捕約800人，當中逾500人並非大學生，又指相信他們有參與中大校園事件，又形容該批人士是「大部份比較暴力嘅示威人士」。他又稱，理大事件中，有大約300名18歲以下人士警方沒有作出拘捕，又稱自9月開學後，被捕學生人數持續上升，由開學前被捕學生只佔25%，至9月後升至43%，形容情況令人擔憂，又指擔心學生在開學後受社會氣氛、朋輩影響，會有更多年青人成為暴力示威者。

主持人指現時社會不少衝突源於是對警方不滿，包括有警員濫用武力，認為警隊管理層「盲撐」前線警員，鄧炳強表明不同意有關說法。他更將年青人參與抗爭運動，歸咎於市民縱容暴力，「社會上有啲人對於一啲暴力行為唔單止唔譴責，仲去縱容……最初可能只係示威人士扔石頭，但後來社會上好多人掉返轉用暴力去『盲撐』佢哋，等佢哋誤以為你爭取嘅嘢係啱……呢個對暴力盲撐，反而令到示威人士用暴力升級，依家扔汽油彈。」

主持人又指有民調顯示，逾5成人認為部份警員過份濫用武力，鄧炳強稱，明白市民對警隊執法有意見，但反指社會有不少假新聞、假消息，也有報道煽動仇警及抹黑警隊，令社會人士對警方誤解，「對民調嘅方法唔清楚，好難評論。一個有計劃嘅大規模抹黑，同埋一啲針對煽動仇警報道普遍存在，例如8.31地鐵站死咗好多人，任何浮屍，或任何人跳樓都關警察事、都係警察殺嘅，甚或有啲列車運好多示威人士上去內地，呢啲對於我哋嚟講係不可思議，冇理由可以信，香港係一個咁透明嘅社會點可能發生呢啲事呢」。但他直言，身邊也有朋友相信有關說法，「好奇怪地，我認識嘅朋友，就算一啲好有社會歷練嘅人都懷疑，可能我自己都要反問一下，究竟係咪可以係增加透明度。」 鄧炳強又透露，警方在應對暴力事件時，採用剛柔並濟、因時制宜方法，「有啲底線唔能夠放任，出到嚟縱火行為、周圍打爛晒啲嘢，我哋會即時制止。」但對於參與未經批准的集會等，警方會採用人性化方式處理。他更主動澄清警隊無意重用木彈，「我並冇講過話重新用木彈……可能我講得唔清楚啦（傳媒茶聚），其中有一份報紙誤會咗我話會再引用木彈。」

至於7.21元朗恐襲事件，鄧炳強稱，警方至今拘捕37人，強調有關調查認真及嚴肅，但指同事當時的決定，「當然可以做得好啲」。被問及會否就7.21事件道歉，他稱須看調查結果，現言之尚早：「如果隨隨便便就做到你頭先講嘅行為（道歉），我覺得令人誤導咗我哋同事嘅做法。」 特首提出成立的獨立檢討委員會，鄧炳強稱，歡迎採用獨立檢討委員會「睇整體成因」，但直言若委員會淪為針對警隊的工具，他認為是不公義，「我覺得如果一個態度純粹針對警隊作出調查，而唔係去睇社會成因，到最後亦都係用工具來針對警方，我覺得呢嗰係唔公義。」

#反送中
#香港蘋果日報
#appledailyhk
#蘋果動新聞
#蘋果日報