Скачать или смотреть వకుళమాతపై మొట్టమొదటి పాట

ఇంతవరకూ శ్రీనివాసుని తల్లి వకుళమతపై ఇంతవరకూ మీరు వినని పాట ఇది
(పల్లవి)
వకుళ మాత నీ దర్శన భాగ్యము
మాకిల కలిగేను ధన్యులము||
మాకిల కలిగేను ధన్యులము

(చరణం)
పేరూరు గిరి పై వెంకన్న మాతవై
అరుదెంచు భక్తులకు అభయ ప్రదాతవై
తిరుమల శిఖరాన శ్రీహరి జననివై
వరములు దయచేయు సిరిపతి అమ్మవై||

వకుళ మాత నీ దర్శన భాగ్యము
మాకిల కలిగేను ధన్యులము||

(చరణం)
గోవును గావగ గాయము నొందగ
గోవిందు డమ్మా అని నీ దరి చేరగ
పుత్రుని గాంచిన నీ మది చెదరగ
గాయము మాన్పి కళ్యాణ మొనర్చిన ||

వకుళ మాత నీ దర్శన భాగ్యము
మాకిల కలిగేను ధన్యులము||

(చరణం)
త్రేతాయుగమున కౌసల్య నీవూ
ద్వాపరమున యశోదవు నీవూ
ఈ యుగమందున వకుళగా నీవు
యుగ యుగముల శ్రీహరి జనని యైన

వకుళ మాత నీ దర్శన భాగ్యము
మాకిల కలిగేను ధన్యులము||

పేరూరు వాసినీ వకుళమ్మా
పరమ దయాకరి వకుళమ్మా
ఆనంద దాయిని వకుళమ్మా
అనంత సౌభాగ్య వకుళమ్మా
మా వినతులు గైకొను వకుళమ్మా
నీ తనయుని ముందుంచు వకుళమ్మా
శ్రీనివాస ప్రియ వకుళమ్మా
శ్రీహరి మాతా వకుళమ్మా
వాత్సల్య దాయిని వకుళమ్మా
వేదవేద్య జననీ వకుళమ్మా
వకుళమ్మా.. నమోస్తుతే...
వకుళ మాతా నమోస్తుతే..
నమోస్తుతే... నమోస్తుతే..
వకుళమాతా... నమోస్తుతే
వకుళమాతా... నమోస్తుతే
వకుళమాతా... నమోస్తుతే