Скачать или смотреть ✔ Single product listing kaise kare | Product listing tutorial | Add products on Meesho

Meesho par single catalog upload karna ab bas kuch hi aasaan steps mein. Yahan aapko saari jaankari milegi:

Shuru karne ke liye apne Supplier Panel par log in kijiye, left side par ‘Catalog Uploads’ section par click kijiye aur ‘Add Single Catalog’ click karein. Phir apne upload ke liye Category Tree se sahi template select kijiye. Aap search bar ka istemal karke aapke product ke liye sabse uchit category bhi dhoond sakte hai. Sahi template chunna anivarya hai, kyunki aapka catalog name issi template par aadhaarit hai.

Sahi template chunne ke baad ‘Add product images’ click kijiye. Kripya note kijiye ki aap ek hi catalog mein anek products add kar sakte hai. Catalog mein har product ke liye high quality ke front facing images upload kijiye. Iss stage par sirf front facing images hi upload karna hai. Baad mein aane vaale stage mein aap product ke alag angles vaale images upload kar sakte hai. Dhundle images, watermark ya text vaale images aur cropped ya partial images mat upload kijiye. Dhyaan dijiye ki upload kiye gaye images mein product ka aage ya front vaala baagh clearly dikhe.

Iske baad, ‘Continue’ par click kijiye aur aapko ‘Product Details’ vaala page dikhai dega. Idhar apne catalog mein saare products ke details add kijiye. Asterix se mark kiye gaye fields ko sahi tarah se bharna anivarya hai. Pehle product ke prices add kijiye. Aap ab har product ke do prices add kar sakte hai: 1. Meesho Price aur 2. Wrong/ Defective Returns Price. Meesho price customer ko bina koi sawaal product return karne ki ijaazat deti hai aur Wrong/Defective Returns Price sirf defected ya ghalat product ko return karne ki ijaazat deti hai.

Product ka price bharne ke baad aapko MRP enter karna hai jo sirf product ka Maximum Retail Price hai. Phir apne product ke liye sahi GST percentage enter kijiye. Iske baad, HSN code select karein. Dhyaan de ki drop down se aapko sabse uchit HSN code hi select karna hai. Aapke product ke liye sabse uchit HSN code aap yaha GST website par dhoond sakte hai: https://cbic-gst.gov.in/gst-goods-ser...

Iske baad aapko product ka weight, size aur doosre compulsory details bharna hai. Aap catalog ko live lene ke liye compulsory details bharne par taiyyar hai. Magar phir bhi humara sujhaav hai ki aap optional fields bhi bhar le jinke details aapke paas taiyyar ho. Kyunki isse aapka catalog ka rank Meesho par behtar hoga jab usse live kar diya jaaega. Agar aap aur angles ke images upload karna chahte hai, toh ‘Add Images’ par click kijiye.

Agar aap aur products add karna chahte hai, toh ‘Add products’ par click kijiye. Jab aap catalog upload karne ke liye taiyyar hai, tab ‘Submit Catalog’ button par click kijiye, aur aapka catalog quality check process mein bhej diya jaaega. Catalog ka status aap kabhi bhi apne supplier panel ke ‘Catalog Uploads’ section mein check kar sakte hai. ‘QC in progress’ tab mein aapko saare catalogs dikhai denge jo check kiye jaa rahe hai. ‘QC pass’ tab mein aapko voh catalogs dikhai denge jo QC pass kar chuke hai aur kuch hi der mein live ho jaaenge. ‘QC Error’ tab mein aapko saare catalogs ke details dikhai denge jo QC test pass nahi kar paaye.

Kabhi bhi catalog ko edit karna hai, toh aap supplier panel ke ‘Inventory’ section par jaake uss catalog ke paas diye gaye ‘Edit’ button click kar sakte hai. Koi bhi sawaal ya dikkat ho to aap supplier panel ka ‘Support’ section par jaa sakte hai. Idhar aapko sabse common problems ka solutions ke saath ek list milega. Aap kissi bhi problem ka theek se jaanch karne ke liye ticket bhi raise kar sakte hai.

Apna online store badhaane aur business ko hit banane ke liye bas itna hi jaanna ha! Happy selling on Meesho!

Product upload ke baare me aur jaankari ke liye, visit kare - https://supplier.meesho.com/hi/learni...

#ProductListingonMeesho #SingleProductUpload #SellonMeesho #SellOnline #OnlineBusiness

Happy Selling on Meesho