Скачать или смотреть QSUT, ambiente të degraduara - News, Lajme - Vizion Plus

http://www.vizionplus.tv
  / vizionplustv  
  / vizionplustv  
Nëse nuk ju ka rene halli te shkoni se fundmi ne spitalin "Nene Tereza", nuk do ta besoni qe këto pamje vijnë nga një prej pavijoneve te tij. Është shërbimi i kardiologjisë, ku te sëmuret me zemër shtrohen për dite te tera, ne këto dhoma plot lagështire. Askush nuk di te thotë se kur ka qene hera e fundit kur këto ambiente janë lyer apo rikonstruktuar. Ajo qe dihet me siguri është lyerja pothuajse e përvitshme e fasadave. Pamjet me te pazakonta janë te tualetit te këtij shërbimi, ku funksionon vetëm një për te gjithë, burra e gra. Pak muaj me pare ujin qe rridhte nga jashtë e mbante një çadër, ndërsa tani e vetmja ndërhyrje qe është bere është vendosja e nje dërrase. Ne buxhetin e drejtorisë se QSUT-së nuk ka një zë te veçante për mirëmbajtjen, përveçse për aparaturat. Por kryeinfermieri i kardiologjisë na pohon se për shkak te tranzicionit te përhershëm te këtij institucioni, ku drejtuesit janë ndërruar edhe brenda llojit, askush nuk përgjigjet ndaj ankesave te shërbimeve. Por a ka një model ndryshe ne shërbimin publik spitalor? Është, spitali i ri i ndërtuar tre vjet me pare, i cili qe ne hyrje i ngjan me shume një spitali privat. Dhomat janë te pajisura me aparatura moderne për matjen e parametrave te te sëmurëve dhe me tualet brenda. Por shërbimet qe janë grupuar ne këtë spital janë pak, ne krahasim me peshën qe mbajnë ndërtesat ekzistuese. Megjithatë, përtej këtij ndryshimi, ajo qe i bashkon këto dy pamje është mungesa e medikamenteve. Qendra me e madhe spitalore ne vend, qe pret ne një vit 1 milionë paciente nga i gjithë vendi, ka një masterplan për t'u pasur zili ne letra, ndërsa ne te vërtete asnjë ministër i asnjë qeverie apo partie nuk e beri kurrë realitet. Shenja e vetme qe ai ka lëne është spitali i ri, qe ende po përpiqet te mbijetoje.