Скачать или смотреть مشاركة عبدالله بن بندر في حفل زواج ابن خاله وليد بن عبدالرحمن بن محمد السحيل

جل شان اللي له الكون تحت امره يكون
واحدٍ تلهج بذكره جميع الالسنه

غير وجهه ما عبدنا ولا نرجي لعون
نستمد العون والرزق والطاعه منه

بعدوا عن كفي المسبحة والتيلفون
باخذ الفنجال من كف قافي ولحنه

شاعر والناس تشهد وربعي يشهدون
ماقفي يوم المواقيف ما اجنب عنه

يا رصيدي فالقصايد مجمل ما تهون
لو مـ تكتب غير بيتين في دور السنه

فيك والله ما تخيب الهقاوي والظنون
لا ندبت اغلى الطواريق جاتك مذعنه

ابشرو بي ياخوالي ماهو فالمقرفون
وقفة فيها البناخي يراهن برهنه

مرحبا يا مرحبا عد همال المزون
باسم ابومحمد يـ حيه وحيه معدنه

ايه خالي للمراجل وللطاله زبون
الصعيبه كل ماقام فيها ممكنه

ما يهمه ثوبه الفاخرة والا ردون
لابسٍ ثوب الفخر والكرم والهيمنه

ذخر جدي جعل جدي لجنات وعيون
الشجيع اللي اسمه مع الشجاعة نقرنه

عقب اللي للجمايل جمال ويفعلون
وصفهم ياخذ من اللي بوسط المدخنه

جمرة وقت الشدايد وصكات الغبون
وعودٍ ازرق للنشاما ورد من موطنه

المقام اليوم غالي واهله يجملون
مجدهم ما تقتفي به مرور الازمنه

يا ذوي هاجد حزامي عسى ما تذهبون
ضلع في وقت الشدايد زبن من يزبنه

صيتكم سولف عن فعولٍ بها تعتلون
ورجلكم من دون ناره ومن دون صحنه

والسحيل اسم يفك النشايب والديون
اسم والتاريخ عن صفحته ما يركنه

ماضرينا بالمنافق ولا حب المتون
طيب يمنانا ينومس مع اهل الميمنه

سيرة العضيان تعبوا بها اللي يورخون
لليمن وصلت وللاردني وسط اردنه

جعل من لا يعشق الطيب واللي ينومسون
يلبس ثياب المذله قبل لبس كفنه