Şeyx və deputat ailəsi at oynadır - Baku TV

Şeyx və deputat ailəsi at oynadır - Baku TV

Vətəndaş Seymur Quliyevin haqqında danışdığı şəxs eks-deputat Qalib Salahzadədir. Şikayəti isə Bilgəhdə dəniz sahilindəki ona məxsus torpaq sahəsinin eks-deputat tərəfindən zəbt olunmasıdır. Deyir ki, tikdirdiyi 2 ev tamamilə darmadağın edilib və yeri avtodayanacaq kimi istifadə olunur.

Seymur Quliyev bildirir ki, alqı-satqı yolu ilə 2004-cü ildə əldə etdiyi öz halal ərazisində bir neçə il ərzində 2 və 3 mərtəbəli iki villa, həyətlərində də hovuz tikdirib. Lakin günlərin bir günü ortaya əlində torpağa aid sənədi olan, evləri isə özünün tikdirdiyini iddia edən şərik çıxır. Lakin bu hələ harasıdır. Bir müddət sonra torpağa əlində çıxarışı olan daha bir şərik çıxır.

Mətbuatda da dəfələrlə işıqlandırılan bu məsələ ilə bağlı artıq 14 məhkəmə prosesi keçirilib.
Seymur Quliyev məsələ ilə bağlı dəfələrlə Qafqaz Müzəlmənları İdarəsinin sədri Şeyxülislam Hacı Allahşükür Paşazadənin də qəbuluna düşməyə çalışıb. Hətta Konstitusiya Məhkəməsinin Seymur Quliyevin xeyrinə hökmü olsa da, zərərçəkmiş öz halal-hümmət əmlakına nə gedə, nə də yiyə dura bilir. Çünki hökm indiyə kimi icra olunmur.

Seymur Quliyevin şikayəti əsasında DİN-in Baş İstintaq və Təhqiqat İdarəsində cinayət işi də başlanıb. Hətta eks-deputat Qalib Salahzadə şikayət əsasında dindirilib.

“Bəzi maddələr üzrə isə istintaqın davam etdirilməsinə razılıq almaq üçün idarə prokurorluq qarşısında vəsasət də qaldırıb. Lakin ötən il mayın 14-dən cinayət işinin icraatından bir xəbər yoxdur”, - deyə şikayətçi bildirib.

Biz də məsələ ilə bağlı aidiyyəti qurumlardan qəti mövqe öyrənməyə çalışsaq da, cavab ala bilmədik. İşi araşdıran hüquq-mühafizə və icra orqanları məsuliyyəti bir-birinin üzərinə atmaqla ötür-ötür oyunu oynadılar.

Qanunun şah olduğu cəmiyyətimizdə məhkəminin hökmünün icra olunmaması nəinki məhkəmə-hüquq sisteminə kölgə salır, eyni zamanda vətəndaşda bu orqanlara qarşı etimadsızlığın formalaşmasına rəvac verir ki, bu da ali səviyyədə məmurlar qarşısında qoyulan tələblərlə daban-dabana ziddir.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
  / www.baku.tv  
  / __baku_tv__  
https://baku.tv

Kanalda bütün müəllif hüquqları qorunur.

#BakuTv #Azerbaycan #trend