مدينة حياتي | الرادود يحيى عفارة

قصيدة [مدينة حياتي]

الرادود يحيى عفارة
الشاعر ميثاق الحمداني

ميكساج: مهدي عليق
مخطوطة: غادة شومر
تنفيذ: حسين صفا

حسينية السيدة طوعة - لبنان


الحسابات الرسمية للرادود يحيى عفارة

‏Facebook:
‏https://www.facebook.com/profile.php?...

‏Instagram:
‏  / yehia.afara  

‏Telegram:
‏https://t.me/yehiaafara
———————————

مدد يا زهرا

مدينة حياتي
ولا تشبه الها مدينه
بضجيج العوالم
اعيش بأمان وسكينه
بخدمتي لفاطم
ودموعي وليالي المجالس
احس وين اروحن
تلمني الايادي الحنينه

اخلص عمري بدموعي على السطروها عالعين
على الكسروا ضلعها الها وبقت تنظر للحسين
عالنضربت قبل زينب بسياط تورم اليدين
يقال بقوة السطره انتثر من عدها قرطين

بكيتُ السطرَ
مدد يا زهرا
.......
سلامي ودموعي
عالنصفعت وصب دمعها
على الفجأه تصحى
وتون للصبح من وجعها
بأمي النحيله
اللي من اول العصره طاحت
يگولون بأنها
لمن تمشي تلزم ضلعها

خيال امن التعب صارت بعمر الثمنطعش عام
مصيبه الينكسر ضلعه على يا جانب ينام
مصايب صُبت اعليها ليالي تسوي الايام
اويلي اعليها من تمشي لابوها وتشكي الآلام

جهرتُ الذكرَ
مدد يا زهرا

.......
يساعي بريدي
اخذ ظرفي واگصدها هايم
رسالة توسل
اكتبتها لمولاتي فاطم
اكتبت الها جملة
عليچ العلى الغبره مرمي
انا مالي غيرج
أقبليني مولاتي خادم

انا المتعب انا الضايع انا الأذتني دنياي
برداء ايمينچ الطاهر دخيلچ مسحي عيناي
حميتي المرتضى بضلعج اجيتچ گولي بحماي
اريد اصرخ على الدنيا يدنيا فاطمه اوياي

سئمتُ القهرَ
مدد يا زهرا
........
فرص چانت الها
الزجيه وامرها بإديها
إذا تركت الباب
تعيش وولا شر يجيها
ولكن سترها
اختيار الوحيد اللي عدها
تِكسّر ضلعها
لكي لا ينظرون عليها

لمن عصروها عالحايط ( جره دمع السمه احساس )
ولا تركوا مجال الها الحنينه تجر الأنفاس
يطيح حجابها خافت لمن تعصرها الارجاس
بقت تدفع باليمين وتخلي اليسره عالراس


فديتُ السترَ
مدد يا زهرا