Qüsul hansı hallarda və necə alınır? | Şeyx Qamət Süleyman

Qüsul hansı hallarda və necə alınır?

"Qüsl ərəb dilində Ğusl deməkdir. Mənası - yuyunmaq, çimmək, bir şeyi paklamaq və ya bütün bədəni yumaq deməkdir.

İslam dinində isə Qüsl - Özlüyündə təmiz olub, təmizləyən su ilə xüsusi bir şəkildə bütün bədəni yumağa deyilir.

Alınma qaydası: İlk öncə arxa və ön övrətlər yuyulur. Sonra əl yuyulur (əlləri yuyarkən sabundan isifadə etmək olar). Sonra namaza dəstəmaz alınar kimi dəstəmaz alınır. Sonra sağ tərəf üç dəfə, sonra sol tərəf üç dəfə, sonra isə baş da daxil olmaqla bütün bədən yuyulur.

Qüsul alarkən diqqət etmək lazımdır ki, su bədənin hər bir yerinə çatsın. Saçların dibini, saqqalın diblərini yaxşıca yumaq lazımdır.

Yuxarıda qeyd etdiyimiz kamil qüsulun alınma şəklidir, amma kim istəsə, ağız və burnuna su almaq şərti ilə bütün bədənini və başını yusa, artıq qüsl almış sayılır.

Dinimizdə qüsl almaq vacibdir, çünki namaz qüsulsuz qəbul deyildir. Uca Allah buyurur:
"Əgər cunub olmusunuzsa, qüsl edin". (Əl-Maidə, 6).

#ŞeyxQamətSüleyman #DavranışMədəniyyəti