Скачать или смотреть Ïa Ngin Ïa Ïaid Lynti Ka Snam || Lynti Bneng 62 - Saiñ Marweiñ

Kane ka sur ruh ka dei na ka Lynti Bneng hi ym dei ba shu thaw hi.

ÏA NGIN ÏA-ÏAID LYNTI KA SNAM
62 [46]

1.
Ïa ngin ïa-ïaid Lynti ka Snam,
Marbud na kper ka jingpisa
Haduh jingjaw khatduh b’u Trai
U theh h’u lum diengphna.
Phim lah bakla, lada peit bniah
Ïa ki dak saw ba kdew lynti:
Ki dak jingïap, ki dak jingim,
Ka snam u Nongpynim.

2.
Kynjah, sngewsih, U poi sha kper:
Khuslai, kordit eh kumban ïap,
U dem pyllup ha ka khyndew;
Synran ym don ba ap!
Da jingsngewsih, ka syep ba mih
Long snam ba tuid ha ka ram-ew.
Saw-haiñ u phlang bad sa ki maw,
Lyngngoh ïa u ’lap-saw.

3.
Na kper Olib sha them Kedron,
Na ka ranab shaduh Nongbah,
Ka dien-ka-bud basaw ka lam
Sha ïing lyngdoh-rangbah.
To bud dienjat sha ïing u lat,
Sh’u syiem Herod, sh’u nongsympat:
Lynti ka Snam to ïaid pura
Haduh jingïap diengphna.

4.
Saw-bthuh rynïeng ka met u Trai,
Matlah da snam ba tuid na khlieh;
Saw-triang ka um haba u lat.
U thet arsap ki kti.
Saw riej ki khmat kiba pyrta:
“To shim, to shim, to sahnarphna!”
Ka snam jong U halor jong ngi,
Bad ha ki khun ki kti!”

5.
Ka pop, ka snam, ha man l’u maw,
Ka pop, ka snam, ha man ka khlieh.
Donbok ka pop kaba dawa
Ba yn siewspah katne!
Ka pop jyllei, ka snam kynrei!
Shu dem, shu doh khyndew kyntang.
Phin im, phin khuid, phin ïoh jingmap:
Jingim na snam jingïap!