Скачать или смотреть Scherlom in Christ | Kuv niaj hnub pheej xav txog Koj siab hlub Yesxus (Songbook 47) | With Lyrics

We have Church Service every Saturday at 10 AM and we are located at 1212 Earl St., St. Paul, MN 55106. Come join us.

If you enjoy this content, please support our Church on PayPal.
https://www.paypal.com/donate/?busine...

Lyrics
[Verse 1]
Kuv niaj hnub pheej xav txog Koj siab hlub Yesxus
Ib yam hiavtxwv loj ntsuas tsis tau
Leejtwg paub saib qhov dav saib qhov tob Yesxus
Kuv ntshai tsis muaj ib leeg txawj paub
Koj hlub kuv Koj thiaj los hauv ntiajteb Yesxus
Tseg Koj lub tsev zoo nyob puag saumntuj
Koj los nyob ntiajteb no thiaj li tuag Yesxus
Txhobtxwm muab txojsia theej kuv txhoj

[Chorus]
Kuv lub ncauj ua Koj tsaug kuv tus Tswv Yesxus
Koj ris kuv lub txim saum ntoo khaublig
Kuv lub siab nyiamnyiam Koj kuv tus Tswv Yesxus
Rauqhov Koj hlub kuv tso kuv dim

[Verse 2]
Kuv xav txog Koj kev hlub kuv tus Tswv Yesxus
Koj niaj hnub pub mov rau kuv noj
Tau mov noj tau dej haus kuv tus Tswv Yesxus
Kuv nojnoj tsis tag ib simneej
Kuv this Koj loslos ntshav kuv tus Tswv Yesxus
Koj ntxuav kuv lub siab dawbdawb tshiabtshiab
Koj txib Koj Ntsujplig los nrog kuv nyob Yesxus
Coj kuv taug kev ncaj mus ib txhis

[Verse 3]
Koj kev hlub yam tshavntuj ntsuas tsis tau Yesxus
Yam li cov hnubqub suav tsis tag
Yam xyoob ntoo nyob havzoov pom tsis txhua Yesxus
Koj hlub tseem pheej hlub kuv ib txhis
Ob peb hnub yuav nrog Koj nyob ua ke Yesxus
Muaj cev muaj lub siab ib yam li Koj
Kuv tsis txawj ua Koj tsaug tag kuv siab Yesxus
Kuv txhoscaug pemteb pe Koj xwb

[Verse 4]
Koj kev hlub piv txog tej lub txhab nyiaj Yesxus
Muaj nyiajtxiaj puv nkaus siv tsis tag
Muab huvsi pub rau kuv kuv tus Tswv Yesxus
Kuv yuav ntseeg Koj xwb mloog Koj lus
Koj niaj hnub muab ntau yam pub rau kuv Yesxus
Kuv thov Koj Koj mloog kuv txojlus thov
Pub tshavntuj los rau kuv ntau tagnrho Yesxus
Ua kuv chaw sov siab ib simneej