Скачать или смотреть سعد الطلحة - القلب يحزن في مهرجان بريدة.avi

انشودة القلب يحزن بصوت الرائع المنشد سعد الطلحة
موقع القلب يحزن

القلب يحزن والمدامـع غزيـرة
في جوفي نارٍ من لهبها تباكيـت
والدار ظلمة كانـت أمـي تنيـره
يايمه وينك من دونك خلى البيـت
قلبي تفطّر على الفرقـا المريـرة
آمنـت بالله وبأقـداره تراضـيـت
الموت حقٍ وكلـن لـه مصيـره
وبموت النبي قبلك يايمـه تعزيـت
هذا جِلالك وريحـك فـي عبيـره
كل يوم اشمه وليـا شفتـه تهنيـت
صوتـك يايمـه يامحلـى أثيـره
وحنانـك يمـه يخلنـي تدفيـت
من يوم رحتي والمشاعـر أسيـرة
محدٍ أفضفض له وبصَمتي تسجّـيت
يايمـه من هو أجـي واستشـيـره
يعدّلني لي شفت الصواب وتنحيـت
يايمـه كلـن يناظـرني فـي حيـرة
من يوم رحتي وأنا الّي ما تواسيت
يوم كنتي عندي وكني أمير ديـرة
كلن يناديني ويقولي تعال هيـت
ويوم رحتي يمه وكني في جزيـرة
وحيدٍ فيها عن النـاس تواريـت
أجي دويـخ فـي وقـت الظهيـرة
محدٍ سأل عنـي يقـولي تغديـت
وأبيـت ليلـي وعيونـي سهيـرة
وكـم الليالـي نايـم ماتعشـيـت
ظروفٍ يمـه تواجهنـي عسيـرة
الشكـوى لله بظروفـي تعنـيـت
ياكم تعلمت مـن معانـي غزيـرة
يامَنهـل التعليـم منـّك تربـيـت
كم قصة قلـت وللماضيـن سيـرة
ولي جيت عندك بسواليف تسلّيـت
آآه يايمـه لنظـراتـي الأخـيـرة
مليـت كفـي ترابٍ ثـم حثيـت
ابشـري يمـه بدعـواتٍ كثيـرة
كلما ذكرتـك وللرحمـن صليـت