St. Theresa's Sunday School - Annual Prize Giving 2023 | ලොකු උනාම කවුද වෙන්නේ

කැලණිය සාන්ත තෙරේසා දහම් පාසලේ 2023 අධ්‍යයන වර්ෂය නිමා කරමින් වාර්ෂික ත්‍යාග ප්‍රධානෝත්සවය දෙසැම්බර් මස 02 වන සෙනසුරාදා දින සාර්ථක අන්දමින් මීසම් ශාලාවේ දී පවත්වන ලදී.

මීගමුව ලොයෙලා ජාත්‍යන්තර පාසලේ ආචාර්ය මෙන්ම අප කැළණිය සාන්ත තෙරේසා දේවස්ථානයේ දෙවන පූජක පුතු වන ගරු.අසිත් චාමර පියතුමා ප්‍රධාන ආරාධිත පියතුමා ලෙස මුලසුන හෙබවූ අතර , අගරදගුරු පදවි ව්‍යාපෘති හා ගොඩනැගිලි ඉදිකිරීම් ව්‍යාපෘති භාර ගරු. මනෝජ් ශ්‍රීනාත් පියතුමා ද , මීසම් භාර පියතුමා වන ගරු. බර්ට්‍රම් රංජිත් පියතුමා , මීසම් සහයක ගරු. ශෙනාල් ෆ්‍රෑන්ක් පියතුමා , පෑලියගොඩ සිරි කුරුසියේ කන්‍යාරාමයේ ප්‍රධාන මව්තුමිය හා කන්‍යා සොහොයුරියන් ඇතුළු, අප දහම් පාසලේ වසර ගණනාවක් සේවය කල විශ්‍රාමික ගුරුවරියන් මෙන්ම තවත් ආරාධිත අමුත්තන් පිරිසක් මෙදින උත්සවයේ ආරාධිත අමුත්තන් ලෙස සහභාගි වන ලදී.

ත්‍යාග ප්‍රධානෝත්සවය දහම් පාසල් දූ දරුවන්ගේ නර්තන , ගායනා හා වාදන වැනි අංගයන් රැසකින් විචිත්‍රවත් වී තිබුණි.දහම් පාසල් දරුවන්ගේ 'වාර්ෂික පැමිණීම හා දැනුම' මෙන්ම දහම් පාසල් ශිෂ්‍ය නායකයින් සදහා ද සේවය අගයමින් සහතික පත්‍ර හා ත්‍යාග ලබා දීම සිදු කෙරූ අතර පැමිණි සියලු ම දහම් පාසල් දරුවන්ටද ත්‍යාග ලබා දෙන ලදී.දහම් පාසල් උප විදුහල්පතිනිය ඇතුළු ගුරු මණ්ඩලයේ වෙහෙස මහන්සිය මධ්‍යයේ සාර්ථක ලෙස මෙම උත්සවය නිම විය.

©️ All Rights Reserved. STC Media Unit. No Part Of this content shall be reproduce or lent without a prior consent of the media unit.

#STCMedia