Скачать или смотреть Kyknet Ontbytsake Episode 580, Uitgesaai 29 Sept - 6 Okt 21012

Hier is die vyfde in ‘n reeks episodes van Kyknet Ontbytsake waar Ben Otto, eertydse eienaar van RSASearch, sy besigheid adverteer. Destyds is RSASearch voorgehou as die beste besigheidsgids in Suid Afrika, en kwesbare bejaardes en pensioenarisse is spesifiek uitgenooi om hul spaargeldjies daar te belê.
Benoude oumense het maklik toegegee aan Ben Otto se uitstaande oorredingsvermoë en sjarme, en die feit dat hy Dawie Roodt, die bekende Ekonoom en Uitvoerende Hoof van Efficient Group, aan sy sy gehad het, was natuurlik deurslaggewend.
Op 28 Julie 2020 het die toekoms vir hierdie “beleggers” in ‘n oogwink verander. Met een WhatsApp het Ben Otto almal meegedeel dat hy RSASearch vrywillig likwideer en hulle is hul geldjies kwyt.
Hy is aangekla van bedrog, geldwassery en die bedryf van ‘n piramide skema, maar het die hof wonderbaarlik ontwyk tot sy dood op 30 Maart 2025. Die vreemdste van alles is dat daar geen geld gevind kon word nie, en die boedel is afgehandel met ‘n balans van R660,00.

Die vraag is nou: Kan die Nasionale Uitsaai Owerheid verantwoordelik gehou word vir die “slagoffers” se verlies? RSASearch is per slot van sake op hul gewildste Afrikaanse platvorms geadverteer (Daar is nog radiostasies ook).
Vir ‘n BLAST FROM THE PAST, kyk hierdie episode en volg sommer hierdie kanaal vir nog aflewerings.
Hier is groot dinge aan die kom.
Besoek gerus https://www.BuhrWizard.Online vir ‘n meer persoonlike ervaring.