Скачать или смотреть திருப்பரங்குன்றம் தெப்பத்திருவிழா|முருகன் கோவில்|thiruparankundram Temple|thaipoosam 2023| தைப்பூசம்

#murugan
#tamilnews
#madurai


மதுரை : 21-01-2023


திருப்பரங்குன்றம் முருகன் கோவிலில்  தை தெப்பத்திருவிழா கொடியேற்றத்துடன் தொடங்கியது...

முருகப்பெருமானின் அறுபடை வீடுகளில் முதல் படை வீடு என்ற சிறப்பு   பெற்றது திருப்பரங்குன்றம் முருகன் கோவில்.   இவ்வாலயத்தில்  கொண்டாடப்படும் விழாக்களில் தை மாத தெப்ப திருவிழா மிகவும் பிரசித்தி பெற்ற ஒன்றாகும்.

 தை மாதம் 10 நாட்கள் நடைபெறும் இந்த தெப்ப திருவிழா இன்று (21-01-2023)  கொடியேற்றத்துடன் வெகு விமர்சியாக தொடங்கியது. 

முன்னதாக கோயிலின் கம்பத்தடி மண்டபத்தில் தங்கமுலாம் பூசப்பட்ட கம்பத்திற்கு சிறப்பு அபிஷேகம் செய்யப்பட்டு, தர்ப்பைபுல், மா இலை,  பல வண்ண  மலர்களை  கொண்டு சிறப்பு அலங்காரம் செய்யப்பட்டது. அதனை தொடர்ந்து காலை 8 மணிக்கு கொடியேற்றம் நடைபெற்றது.

உற்சவர் சன்னதியில் இருந்து சுப்பிரமணியசுவாமி - தெய்வானையுடன் பல்லக்கில் கம்பத்தடி மண்டபத்தில் எழுந்தருளி பக்தர்களுக்கு காட்சியளித்தார்.


இந்த திருவிழாவில் இன்று முதல் நாள் தோறும் முருகப்பெருமான்   தெய்வானையுடன் காலையில் தங்க சப்பரத்திலும், மாலையில் அன்னம், சேஷ, தங்க மயில், பச்சைக் குதிரை உள்ளிட்ட பல்வேறு வாகனங்களில் எழுந்தருளி திருவீதிஉலா வந்து பக்தர்களுக்கு காட்சியளிப்பார்.

வரும் ஜனவரி 30-ம் தேதி தை கார்த்திகை நாளில் தெப்பம் முட்டுத்தள்ளுதல் நடைபெறும். பின்னர் சுவாமி தெய்வானையுடன் சிறிய தேரில் எழுந்தருளி திருவீதி உலா வருவார். 

தெப்பத் திருவிழாவின்  முக்கிய நிகழ்ச்சியான வருகிற 31-ம் தேதி (செவ்வாய்கிழமை) காலை தெப்பத்திருவிழா வெகு விமர்சையாக நடைபெற உள்ளது. 

அப்போது சுப்பிரமணியசுவாமி தெய்வானையுடன் அலங்கரிக்கப்பட்ட தெப்பத்தில் எழுந்தருளி வலம் வருவார்.

அன்று  இரவு தங்கக் குதிரை வாகனத்தில் சுவாமி எழுந்தருளி திருவீதி உலாவந்து பக்தர்களுக்கு காட்சியளிப்பர்.

விழா ஏற்பாடுகளை இந்து சமய அறநிலைத்துறையினர் மற்றும் கோவில் நிர்வாகம் சார்பில் செய்து வருகின்றனர்.