Kimpu 7 Sihgalna, Lainatpihna Kipiathei

Zomi National TV News:
Subscribe :https://bit.ly/3qLDyvf

Zomi Guitarist Kimpu 7 Sih galna sum kipiathei: Zomi Khangthakte sungah Tumging, Guitar tumna lam ah Pasian in ong lapsan sak leh i tangtanpih mahmah Zomi khangthak Aksino khat a hi, Tg. Thang Kap Kim @ Kimpu 7, Kum 32 in, Covid-19 natna tawh abeisa July 27, 2021 ni-in a tenna Yangon khuapi panin ong nusiatna hangin ZNTV panin Dahpihna ipuak hi. I sanggampa Kimpu 7 ong nusiatna tawh kisai-in US gamsunga teng Zomite sungpan dahpihna, Sihgaalna sum 10, 20, a pianuam i om leh ZNTV tungtawnin kipiathei ding hi cih tangkona ongbawl ungh. Hihtawh kisai sum kaihkhop hundingpen tuni a kipan August 15, 2021 niciang hiding hi. Sum khak danding pen, Zelle tawh ong khak nuamte ading phone nambat 716-228-5071 panin kikhakthei ding a, Zelle a zanglo te adingin facebook Sawm Lian Zamnu Naulak tawh messenger paninzong kikhakthei ding hi. Zelle leh facebook pan khakdan a lemlote adingin Check tawhzong kipiathei ding hi. Zelle pan leh facebook messenger pan sum ong khak peuhmah in, Na minpi, US nateenna khua leh Zogam teenna khua cihteng tawh nong khakkhop pahpah nading un zong ong ngen ungh. Tu khabeiciangin Sumngahna sazian leh a sumte innteek te tungah kikhakkhawm ding hi. US gamsunga teng Zomi a kuamapeuh in i sanggampa tungah i itna, i lainatna te lakkhawm ciatni ci-in ZNTV panin zahtakna leh muanna takpi tawh kongzawn uh hi. Hitawh kisai theihbehnop anei peuhmah in ZNTV Director Pu Sawm Lian, Phone/Viber nambat 716-228-5071 leh Facebook Sawm Lian Zamnu Naulak panin ki dongthei ding hi.