Скачать или смотреть ಮೈಸೂರು ದಸರಾ ಮೂಲ ಸ್ಥಳದಲ್ಲಿ ವೈಭವದ ಅಂಬಾರಿ ಮೆರವಣಿಗೆ: Ambari Procession At Hemagudda | Vijay Karnataka

ದುರ್ಗಾದೇವಿ ಮೂರ್ತಿ ‌ಪ್ರತಿಷ್ಠಾಪಿತ ಅಂಬಾರಿ ಹೊತ್ತು ಬರುತ್ತಿರೋ ಆನೆಯ ಈ ದೃಶ್ಯ ಮೈಸೂರು ‌ದಸರಾ ಉತ್ಸವದ್ದಲ್ಲ. ಬದಲಾಗಿ ಮೈಸೂರು ದಸರಾದ ಮೂಲ ಎನ್ನಲಾದ ಕೊಪ್ಪಳದ ಹೇಮಗುಡ್ಡದಲ್ಲಿನ ಜಂಬೂ ಸವಾರಿಯ ದೃಶ್ಯ. ಹೌದು, ಆನೆ ಮೇಲೆ ಅಂಬಾರಿ ಮೆರವಣಿಗೆ ಅಂದ್ರೆ ನಮಗೆ ಥಟ್ಟನೇ ನೆನಪಿಗೆ ಬರೋದು ಮೈಸೂರು ದಸರಾ. ಆದರೆ, ಕಲ್ಯಾಣ ಕರ್ನಾಟಕ ವ್ಯಾಪ್ತಿಯ ಕೊಪ್ಪಳ ಜಿಲ್ಲೆಯಲ್ಲೂ ಅದ್ಧೂರಿ ಜಂಬೂ ಸವಾರಿ ನಡೆಯುತ್ತೆ. ದಸರಾದ ಮೂಲ ಎನ್ನಲಾದ ಹೇಮಗುಡ್ಡ ದಸರಾ ಗುರುವಾರ ಸಂಜೆ ಅದ್ಧೂರಿಯಾಗಿ ನೆರವೇರಿತು. ಕೊಪ್ಪಳ ಜಿಲ್ಲೆ ಗಂಗಾವತಿ ತಾಲೂಕಿನ ಕುಮ್ಮಟದುರ್ಗದಲ್ಲಿ ರಾಜಾ ಕುಮಾರರಾಮನ ಕಾಲದಿಂದಲೂ ಹೇಮಗುಡ್ಡದ ಶ್ರೀದುರ್ಗಾ ಪರಮೇಶ್ವರಿಯ ಜಂಬೂ ಸವಾರಿ ನಡೆಯುತ್ತಿತ್ತು ಎಂದು ಹೇಳಲಾಗುತ್ತದೆ. ಕಾಲ ನಂತರದಲ್ಲಿ ಇಲ್ಲಿನ ಅಂಬಾರಿ ವಿಜಯನಗರ ಸಾಮ್ರಾಜ್ಯಕ್ಕೆ ಬಳಿಕ ಮೈಸೂರಿಗೆ ಸ್ಥಳಾಂತರವಾಗಿದೆ ಎಂಬ ಪ್ರತೀತಿ ಇದೆ. ಮೈಸೂರಿನಲ್ಲಿ ನಡೆಯುವ ಜಂಬೂ ಸವಾರಿ ವೀಕ್ಷಣೆಗೆ ಈ ಭಾಗದ ಸಾಮಾನ್ಯ ಜನರಿಗೆ ಕಷ್ಟಸಾಧ್ಯ. ಈ ಕಾರಣಕ್ಕೆ ಅದರಂತೆ ಹೇಮಗುಡ್ಡದ ದುರ್ಗಾದೇವಿಯ ಜಂಬೂ ಸವಾರಿಯನ್ನು ಆಗಿನ ಸಂಸದ ಎಚ್‌ಜಿ ರಾಮುಲು ಇಲ್ಲೂ ಜಂಬೂ ಸವಾರಿ ಆರಂಭಿಸಿದ್ದಾರೆ. ಸುತ್ತ ಮುತ್ತಲಿನ ಗ್ರಾಮಗಳ ಜನರು ತಂಡೋಪ ತಂಡವಾಗಿ ಆಗಮಿಸಿ ಜಂಬೂ ಸವಾರಿ ವೀಕ್ಷಿಸಿದರು.‌
BYte: ಹೆಚ್ ಆರ್ ಶ್ರೀನಾಥ( ಮಾಜಿ ಶಾಸಕ)
ಇನ್ನು, ಕೊರೊನಾ ಹಿನ್ನೆಲೆ ಕಳೆದ ಎರಡು ವರ್ಷ‌ ಇಲ್ಲಿ ‌ತೀರಾ‌ ಸರಳವಾಗಿ ದಸರಾ‌ ಆಚರಿಸಲಾಗಿತ್ತು.‌ ಈ ಬಾರಿಯೂ ಕೊರೊನಾ ಗೈಡ್ ಲೈನ್ ಜಾರಿಯಲ್ಲಿ ಇರೋದ್ರಿಂದ ಕಲಾ‌ ತಂಡಗಳ ಕೊರತೆ ಕಂಡು ಬಂತು. ಪ್ರತಿ ವರ್ಷ ಕೊಪ್ಪಳದ ಹೇಮಗುಡ್ಡದಲ್ಲಿ ನಡೆಯುವ ಜಂಬೂ ಸವಾರಿ, ಮೈಸೂರು ದಸರಾ ನೆನಪು ಮಾಡುತ್ತೆ ಅಂದ್ರೆ ತಪ್ಪಾಗದು.
ಬೈಟ್‌ : ಪರಣ್ಣ ಮುನವಳ್ಳಿ( ಶಾಸಕ ಗಂಗಾವತಿ)

#Koppal #Dasara #AmbariProcession #Hemagudda

Our Website : https://Vijaykarnataka.com
Facebook:   / vijaykarnataka  
Twitter:   / vijaykarnataka