العزاوي خالدية 💥 في حفل محمد العفراوي - كلمات منصور الزحام & اداء صالح اليامي | ( جديد ) 2024

العزاوي خالدية 💥

في حفل محمد الخالدي

كلمات منصور الزحام
اداء صالح اليامي

كلمات العمل

أبيات المقدمة :


قدامكم يا بني خالد ، لا حان اللزوم
قبيلةً بالفخر ، و المجد كم تحتوي

حكام شبة الجزيرة قبل حد ورسوم
وقبل يوقف عليها ( ال ، و لاّ ذوي )





مبطيً عن القصيد وجيت اسن الشاعرية
عن مضاربها يكفي وقعها ، للقوس باري


في خيال الفكر مبعد ، عن حدود الجاذبية
لين اجيب الجزله اللي مالها غيري طواري


شاعراً اليا وقفت اثقل من طويق و طمية
ادمح متون الرجال و للمقام العسر ضاري


مرحبا ترحيبةً تنساق .. سوق الشاذلية
عودً ازرق يقتفيها في حفل ربعي و ماري


يا سمي الشايب اللي نعم يوم انك سميه
وان ذكرت حمود ولدنا قسم يا حي طاري


يا محمد وقفتي واجب ، و سندها عليه
لو تبي عشراً بدلها جيت ما سقت اعتذاري


حفلك اللية مقامه ... يستحق الاولويه
وانت يا محمد مقامك غير بالركن الوزاري


ابلجً يضحك احجاجك بالامور المفصليه
شاربً فنجال صعبات المهام ، ولا تداري


طيبً مجناك من روس الحرار الصيرميه
لا غرابه دام ( كردي ) والدك منه مواري


عودً يحل القضية ما نشد وش هي القضيه
يرتكي للمعضلات و عون من شاف العزاري


من قديم الوقت والفزعات تعطيه التحيه
حاضرً مع الرجال يقدمه .. بالفعل جاري


من كرم يمناه ما حن المراح مْن الضحيه
ما تـتقى ، كنه موكّل على البنك التجاري


قلت عفرا قال نار الطيب يا بن ازحام حيه
كل عفراوي بجيناته سطر ، ما هو اختياري


الوفا و الجود عادة .. فالدما تجري مديه
نعم يا العفراوي ان حل النعم يثنا إجباري


في دبيس اضرب مثل ودبيس للعفرا هوية
انشدو ضلع الحسا مازل فالوقت الحضاري


في نبانا يا هلا الطولات .. تاخذني حميه
ابتجح ، و اهوم هومات الصديع الانتحاري


كاسرين البرتغال .. اهل السموت بكل هيّه
ربعي كبار البيوت مزبنت .. جهم المساري


من بني خالد هلا السيف الحدب والحضرميه
والمهار اللي طوينا ظهورها جرد الصحاري


نعتزي في ساعةً … نارد بها حوض المنيه
العمار تباع .. في سوق الحمايا ما نداري


كل ما قمنا نغني … ( و العزاوي خالدية )
(العزاوي خالدية … حامية بيض الحباري )


..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ