تاني ريدة.. عبد الكريم الكابلي (أوركسترا.. تسجيل قديم)

نعالج القبح بالجمال
ـــــــــــــــــــــــــــــــــــــ
تاني ريدة
ـــــــــــــــــــــــــــــــــــــ
كلمات وألحان: عبد الكريم الكابلي
بورتريه: عماد عبد الله
ـــــــــــــــــــــــــــــــــــــ
تاني تاني ريدة
كمان جديدة
ياقلبي مالك في دروب دلالك
تحكم علي بعيون سعيدة
كأنو ما ضُقتَ الغرام
كأنو ما عِشتَ الحقيقة
كأنو ما دُرتَ المنام
كان طيفه يتعطف دقيقة
رغم المواعيد الكلام
التُهته في لمعان بريقه
تخلق معاذير للحبيب
وتقول كمان كلمات رقيقة
في بسمتو
في لفتتو
في ضحكتو
في ضي مواهبو
وحسنو تتمناه الحديقة
أنا وسهادك
وسط عنادك
قُلال وما لاقين طريقة
***
نسهِّر الليل
والنجوم والقمرة
والغيمة الصديقة
ونبني آمال في الخيال
للغمدة والنومة العميقة
وفجأة في وسط الأماني
بين تاب قلبنا
غنوا الأغاني
نلقانا تاني
في ريدة
كمان جديدة
***
مواكب الريد
القُدام يا غالي
شهوني المنام
وخوفي كان منك تعيدها
ما بين ظروفنا الابتسام
وبين خصام الريد حرام
سهران عشان نكتب قصيدة
طالبين رضاك
ورضاك مُحال
يا البين جفاك
وصَفَاك حال
بعدين معاك
كان ريدنا طال
***
والخوف ياغالي
تسرح طوالي
تدخل بحورا تغرِّق آمالي
تسلك دروبا فوق إحتمالي
لكن بخاطرك زيد من مخاطرك
طال ما خطاي سايرة في خُطاك
أغضب وأرضى لازم أشاطرك
يا العُمري بيك حتى في خَطَاك
وكان أصلي فاني هاك كل حناني
ودوبني تاني
في ريدة
كمان جديدة
ياقلبي مالك في دروب دلالك
تحكم علي بعيون سعيدة
………
إنا لله ياخ