يا عاصفة الحزم ي درب الخطر

inst:imod0




كلمات يا عاصفة الحزم يا درب الخطر


يا عاصفة الحزم يا درب الخطر ..
لبيه يا لبيه دقينا الصدر ..
هذا انا والقاف والمعنى هنا ..
دون الوطن والله ما أدور عذر ..
لا جرها حاتم على اللحن القصير ..
يجاوبه حاكم وكاتبها بدر ..
لاخير في شعرٍ ماهو لأجل الوطن ..
إي والله نحبه نقا ماهو غدر ..
حنا جنودٍ لادعى الموقف لنا ..
حنا فدى ترابه ليا شان القدر ..
المملكة عذرا وحنا رجالها ..
لاغطرفت جينا وكن فينا دجر ..

نامي على جفن المواطن واحلمي ..
وحنا ليا نمتي نبى نخاوي السهر ..

نطرب على صوت القنابل لا دوت ..
لعيونها نضرب متاهات الخطر ..
يا اللي تبي تاصل حدود المملكة ..
المملكه من دونها الموت الحمر ..
الموت لامن غطرفت من دونها ..
ولا حياة الذل والدنيا عبر ..
حيّ الله الموت ان دعت واستنجدت ..
ما دامنا نلقى بثرى الموطن قبر ..
اليا استعزت عزنا من عزها ..
انا اشهد ان هذا الفخر هذا الفخر ..
الوقت لا من شان جينا كلنا ..
يا المملكه قواتنا حزام الظهر ..

نامي على جفن المواطن وإحلمي ..
وحنا ليانمتي نبي نخاوي السهر ..

الطائره والمدفعية والسفن ..
في الجو وألا البر وألا في البحر ..
دام استعدينا استريحي وارغدي ..
يا اللي على ثراك عشنا احلى عمر ..

نامي علا جفن المواطن وأحلمي ..
حنا ليا نمتي نبا نخاوا السهر ..

نسهر على حدك ولا فيه استمال ..
الحمد لله واجب وعز و اجر ..
حنا فدا ترابك وحنا موعدك ..
لا دقت الساعه ما يمنعنا الحذر ..
اللي ما هو جندي تجند واستعد ..
من روسنا اللي تطّبخ عز وسطر ..

نقدم على الجبهه ولا والله نهاب ..
نصل العلا حتى ولو نوطى الجمر ..
دامك وطنا وقد عطيناك الولاء ..
وصغيرنا على ثرى ارضك كبر ..
دامك حويتينا وتسميتي بنا ..
من شان فرحتنا تسوقين المهر ..
وشلون ما نحمي حدودك ياوطن ..
ناقف على شانك اليا حل القدر ..
حنا دروع المملكه وإليا انتخت ..
رمح يكج الدم لا دق النحر ..
عيوننا في ظل سلمان السعد ..
القايد اللي نسمعه في كل امر ..

سلمان منا وللوطن درعٍ حصين ..
حر على عرش الحكم بان وشهر ..
سياسته لا شك منقطعة نظير ..
هو اول جنود الوطن وبكل فخر ..
ولي عهده مقرن الكف اليمين ..
وقفة اسد لزة فهد هدت صقر ..
والنائب الثاني محمد درعنا ..
ابن المحنك حيّ عينه لا ظهر ..
قاداتنا وحنا امتثلنا لأمرهم ..
لنا لنا في اليسر ولا في العسر ..
عاش الوطن حنا دفاعه والجنود ..
وزيرنا محمد دفاعٍ منتصر ..

هو الدفاع ولو يقولون الوزير ..
مثل الأسد يا حي عينه لازأر ..
ياعاصفة الحزم لبينا النداء ..
لبيه يالبيه يا حد الخطر ..
هذا وطنا حقه الحق الكبير ..
كلما كبرنا والله أن حقه كبر ..

نومي على جفن المواطن أحلمي ..
حنا ليا نمتي نبي نخاوي السهر ..