Скачать или смотреть ព្រះគ្រូធម្មកវីវង្សាចារ្យ ឡាន់ សុមនោដឹកនាំគណៈកម្មការ និងពុទ្ធបរិស័ទចំណុះជើងវត្តពាមមេត្រី, 204-300425

ព្រះគ្រូធម្មកវីវង្សាចារ្យ ឡាន់ សុមនោ ដឹកនាំគណៈកម្មការ និងពុទ្ធបរិស័ទចំណុះជើងវត្តពាមមេត្រី រៀបចំពិធីបុណ្យផ្កាប្រាក់មហាសាមគ្គី ឆ្លងឃឿនមហាពោធិ៍ ពុទ្ធាភិសេក និងអភិសេកធាតុ និងលើកកំពូលត្រៃសូរ

(កំពង់ធំ)÷ព្រះគ្រូធម្មកវីវង្សាចារ្យ ឡាន់ សុមនោព្រះចៅអធិការវត្តពាមមេត្រី បានដឹកនាំ គណកម្មការ និងពុទ្ធបរិស័ទចំណុះជើងវត្តពាមមេត្រី ព្រមទាំងញាតិមិត្តជិតឆ្ងាយដែលជាសីលវន្ត សីលវត្តី ឧបាសក ឧបាសិកា មហាឧបត្ថម្ភក្នុងការកសាងព្រះវិហារថ្មី បានមូលមតិគ្នាជាជាឯកច្ឆន្ទប្រារព្ធធ្វើ ពិធីបុណ្យផ្កាប្រាក់មហាសាមគ្គី ឆ្លងឃឿនមហាពោធិ៍ ពុទ្ធាភិសេក និងអភិសេកធាតុ និងលើកកំពូលត្រៃសូរ ដើម្បីប្រមូលបច្ច័យមកកសាងព្រះវិហារដែលកំពង់សាងសង់ស្ថិតនៅបរិវេណវត្តពាមមេត្រី ឃុំត្បែង ស្រុកកំពង់ស្វាយខេត្តកំពង់ធំ នាថ្ងៃទី៣០ ខែមីនា ឆ្នាំ២០២៥។

ព្រះគ្រូធម្មកវីវង្សាចារ្យ ឡាន់ មានសង្ឃដីកាថា ពិធីបុណ្យនេះមានរយៈពេល២ថ្ងៃគឺ ចាប់ពីថ្ងៃទី២៩-៣០ ខែមីនា ឆ្នាំ២០២៥ គឺធ្វើឡើងដើម្បីរំលឹកដល់ព្រះពុទ្ធសាសនា ដែលជាសាសនារបស់រដ្ឋ វិស័យព្រះពុទ្ធសាសនាដើរតួយ៉ាងសំខាន់ ពិសេសការអភិសេកព្រះពុទ្ធរូបនៅក្រោមដើមពោធិ៍ព្រឹក គឺរំលឹកដល់ពុទ្ធបរិស័ទទាំងអស់ត្រូវតែគោរពព្រះពុទ្ធសាសនាឱ្យបានត្រឹមត្រូវ។ បច្ចុប្បន្ននេះគ្រប់វត្តអារាមទាំងអស់គឺជាកន្លែងសក្ការៈបូជា របស់លោកយាយលោកតានិងពុទ្ធបរិស័ទមកថ្វាយបង្គំ និងជាកន្លែងដែលអប់រំមនុស្សឱ្យសាងអំពើល្អ ស្គាល់ខុសស្គាល់ត្រូវ មានភាពស្មោះត្រង់ពីគ្នាទៅវិញទៅមក ក្នុងការលើកស្ទួយវិស័យព្រះពុទ្ធសាសនាឲ្យមានការរីកចម្រើនជាលំដាប់។

ព្រះគ្រូធម្មកវីវង្សាចារ្យ ឡាន់ សុមនោ ព្រះចៅអធិការវត្តពាមមេត្រី មានសង្ឃដីការបន្ថែមទៀតថា ក្រោមការដឹកនាំដ៏ឆ្លាតវ័យរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ពុទ្ធចក្រ និងអាណាចក្រកំពុងតែដើរទន្ទឹមគ្នា វត្តអារាមគឺជាកន្លែងដែលបណ្ដុះបណ្ដាលធនធានមនុស្ស ជាបណ្ណាល័យសម្រាប់ឱ្យព្រះសង្ឃសិក្សារៀនសូត្រគ្រប់អក្សរសាស្ត្រ។ រៀបចំពិធីបុណ្យផ្កាប្រាក់មហាសាមគ្គី ឆ្លងឃឿនមហាពោធិ៍ ពុទ្ធាភិសេក និងអភិសេកធាតុ និងលើកកំពូលត្រៃសូរ ប្រារព្ធឡើងដើម្បីប្រមូលបច្ច័យយកមកកសាងព្រះវិហារដែលកំពុងតែកសាងជាបណ្តើរ ដោយសារមានការចំណាយទៅលើការទិញសម្ភារៈគ្រឿងសំណង់ និងថ្លៃជាង វត្តយេីងតម្រូវការបច្ច័យមួយចំនួនទៀតដើម្បីកសាងឱ្យរួចជាស្ថាពរនាពេលខាងមុខនេះ។

សូមបញ្ជាក់ផងដែរថា ព្រះវិហារដែលកំពុងសាងសង់បាន៥០%ហើយ ដែលមានបណ្ដោយ២១ម៉ែត្រ ទទឹង១២ម៉ែត្រ និងកម្ពស់៣៦ម៉ែត្រ មានកំពស់១ជាន់ សូមអំពាវនាវដល់សប្បុរសជនទាំងក្នុងនិងក្រៅប្រទេសមាន ដែលមានសទ្ធាជ្រះថ្លា សូមជួយឧបត្ថម្ភជាសម្ភារៈ និងថវិកា ដើម្បីយកបច្ច័យមកកសាងព្រះវិហារនេះឱ្យបានឆាប់រួចរាល់​ និងដេីម្បីទុកជាសាធារណប្រយោជន៍​ ក្នុងព្រះពុទ្ធសាសនាតរៀងទៅ។
អត្ថបទលោក ធូ កែវមុន្នី-ពិនិត្យដោយអ៊ុមញឹប។