Скачать или смотреть തുർക്കി സുൽത്താൻ്റെ ഉപദേശകനായ മലയാളി| Fazal Pookoya Thangal| Ottoman Minister| Oman | Turkiye

ഫസൽ പൂക്കോയ തങ്ങൾ (ഫസൽ പാഷ):
മലബാറിലെ പ്രമുഖ സൂഫി പണ്ഡിതനും ബ്രിട്ടീഷ് വിരുദ്ധ പോരാളിയുമായിരുന്നു ഫസൽ പൂക്കോയ തങ്ങൾ, പിൽക്കാലത്ത് ഫസൽ പാഷ എന്നറിയപ്പെട്ടു. യമനിൽ നിന്ന് കേരളത്തിലെത്തിയ പ്രമുഖ സൂഫി പണ്ഡിതൻ മമ്പുറം സയ്യിദ് അലവി തങ്ങളുടെ മകനാണ് സയ്യിദ് ഫസൽ. 19-ാം നൂറ്റാണ്ടിൽ ബ്രിട്ടീഷ് ഭരണത്തിനെതിരെ മലബാറിൽ ശക്തമായ ചെറുത്തുനിൽപ്പ് ഉയർത്തിയവരിൽ പ്രമുഖനായിരുന്നു ഇദ്ദേഹം. സാധാരണ ജനങ്ങൾക്കിടയിൽ, പ്രത്യേകിച്ച് മാപ്പിളമാർക്കിടയിൽ, അദ്ദേഹത്തിന് വലിയ സ്വാധീനമുണ്ടായിരുന്നു.
ബ്രിട്ടീഷ് ഭരണകൂടത്തിന് ഫസൽ തങ്ങൾ ഒരു വലിയ ഭീഷണിയായി മാറി. അദ്ദേഹത്തിന്റെ ആഹ്വാനപ്രകാരം ജനങ്ങൾ സംഘടിക്കുകയും ബ്രിട്ടീഷ് നിയമങ്ങളെ ചോദ്യം ചെയ്യുകയും ചെയ്തു. തങ്ങളുടെ വർദ്ധിച്ചുവരുന്ന ജനസ്വാധീനവും ബ്രിട്ടീഷ് വിരുദ്ധ പ്രവർത്തനങ്ങളും കാരണം, അദ്ദേഹത്തെ മലബാറിൽ നിന്ന് നാടുകടത്താൻ ബ്രിട്ടീഷുകാർ തീരുമാനിച്ചു. 1852-ൽ, ബ്രിട്ടീഷ് സൈന്യം അദ്ദേഹത്തെ കുടുംബസമേതം മക്കയിലേക്ക് (സൗദി അറേബ്യ) നാടുകടത്തി.

മക്കയിൽ പ്രവാസ ജീവിതം നയിക്കുന്നതിനിടെ, ഒമാനിലെ ദോഫാർ മേഖലയിൽ നിന്ന് ഹജ്ജിന് വന്ന രണ്ടു ഗോത്രങ്ങൾ തങ്ങളുടെ ഇടയിലെ രഞ്ജിപ്പ് ഉണ്ടാക്കിയ വ്യക്തി എന്ന നിലയിലും നേതൃ പാടവത്തിലും ആകൃഷ്ടരായി അദ്ദേഹത്തെ ദോഫാറിൻ്റെ ഭരണാധികാരി ആകാൻ ക്ഷണിക്കുകയും അദ്ദേഹം ക്ഷണം സ്വീകരിക്കുകയും അങ്ങനെ ദോഫാറിൽ ൽ (ഇന്നത്തെ ഒമാൻ) എത്തിച്ചേരുകയും ചെയ്തു. അവിടെ, അദ്ദേഹം തൻ്റെ ശക്തമായ നേതൃപാടവം കൊണ്ട് സലാല (Salalah) ഉൾപ്പെടെയുള്ള ദോഫാർ മേഖലയുടെ ഭരണാധികാരിയായി ഉയർന്നു. ഒമാൻ സുൽത്താന്റെ പിന്തുണയില്ലാതെ, ഓട്ടോമൻ സുൽത്താന്റെ പ്രതിനിധിയായി ഭരണം നടത്തിയത് ഒമാൻ സുൽത്താന് ഇഷ്ടപ്പെട്ടില്ല. ഒടുവിൽ ബ്രിട്ടീഷുകാരുടെയും ഒമാൻ സന്ദർഭം താങ്ങാനാവാതെ ഫസൽ പൂക്കോയ തങ്ങൾ ഒമാൻ വിട്ടു. ഒമാൻ വിട്ടാ അദ്ദേഹത്തെ തുർക്കി സുൽത്താൻ സ്തംമ്പൂളിലേക്ക് തന്റെ മന്ത്രിയായി ക്ഷണിച്ചു.

അദ്ദേഹത്തിൻ്റെ ജീവിതത്തിലെ ഏറ്റവും നിർണ്ണായകമായ ഘട്ടം ആരംഭിക്കുന്നത് ഓട്ടോമൻ സാമ്രാജ്യത്തിൽ എത്തുമ്പോഴാണ്. 1878-കളോടെ അദ്ദേഹം ഇസ്താംബൂളിൽ (Istanbul) എത്തുകയും, അവിടെ ഓട്ടോമൻ സുൽത്താനായ അബ്ദുൾ ഹമീദ് രണ്ടാമന്റെ (Sultan Abdulhamid II) ഉപദേശകനായി നിയമിതനായി. സുൽത്താൻ അദ്ദേഹത്തിന് ഫസൽ പാഷ എന്ന പദവി നൽകി ആദരിച്ചു. തുടർന്നുള്ള കാലം അദ്ദേഹം സുൽത്താന്റെ പ്രധാന ഉപദേഷ്ടാക്കളിലൊരാളും ധനകാര്യ മന്ത്രിയും (Finance Minister) ആയി പ്രവർത്തിച്ചു. മലബാറിൽ നിന്ന് നാടുകടത്തപ്പെട്ട ഒരു നേതാവ്, ലോകശക്തിയായിരുന്ന ഓട്ടോമൻ സാമ്രാജ്യത്തിന്റെ പ്രധാനമന്ത്രി പദവിക്ക് തുല്യമായ പദവിയിലെത്തിയെന്നത് ചരിത്രത്തിലെ അപൂർവമായ ഒരധ്യായമാണ്. 1901-ൽ അദ്ദേഹം ഇസ്താംബൂളിൽ വെച്ച് അന്തരിച്ചു.