Скачать или смотреть Gujarat ની આ રહસ્યમય ગુફામાં છે " સોનાની માટી " | Vaat Gujarat Ni

Gujarat ની આ રહસ્યમય ગુફામાં છે " સોનાની માટી " | Vaat Gujarat Ni

00:59 કોણ હતા જામવંત ?

ભગવાન પરશુરામ અને હનુમાનજી સિવાય રીંછરાજ જાંબુવત જ એક એવા દિવ્ય પુરુષ છે જે ભગવાન વિષ્ણુના બંને અવતાર શ્રીરામ અને શ્રીકૃષ્ણના સમયમાં પોતાની ઉપસ્થિતિ દર્શાવે છે. કહેવાય છે કે ખુદ બ્રહ્માએ જાંબુવતને આ ધરતી પર મોકલ્યા હતા. શ્રી રામચરિત્રમાનસના મહત્વપૂર્ણ પાત્રમાંથી એક પાત્ર જામવંત પણ છે. જામવંતે ત્રેતાયુગમાં રાવણ સાથેના યુદ્ધમાં ભગવાન શ્રીરામનો સાથ આપ્યો હતો અને દ્વાપર યુગમાં ભગવાન શ્રીકૃષ્ણ સાથે યુદ્ધ કર્યું હતું. જામવંત અને ભગવાન શ્રીકૃષ્ણ વચ્ચે થયેલા યુદ્ધની કડીઓ આ ગુફા સાથે જોડાયેલી છે એવું ઇતિહાસકારોનું માનવું છે.


01:32 આ યુદ્ધ થવાનું કારણ શું ?:

ભાગવતપુરાણ અનુસાર યાદવોના આગેવાન સત્રજીતએ સૂર્યદેવની ઉપાસના કરીને સ્યમંતક નામની મણી પ્રાપ્ત કરી હતી. કહેવાય છે કે આ મણી રોજ 8 ભાર જેટલું સોનુ આપતી હતી. આથી સત્રજીતે તેને પૂજાસ્થાને મૂકી હતી. જેથી તેની સંપત્તિમાં વૃદ્ધિ થવા લાગી. શ્રીકૃષ્ણએ સત્રજીતને આ મણી ઉગ્રસેનને આપવા કહ્યું, પરંતુ તે માન્યો નહી. ત્યારબાદ એક દિવસ સત્રજીતનો ભાઈ પ્રસેન પૂછ્યા વગર આ મણી લઈને શિકાર કરવા જતો રહ્યો જ્યાં તે પોતે સિંહનો શિકાર બન્યો અને મણી સિંહના પેટમાં પહોંચી ગઇ. જો કે આ સિંહનો શિકાર રીંછરાજ જામવંત કર્યો અને આમ સ્યમંતક મણી જામવંતને મળી પરંતુ ભગવાન શ્રીકૃષ્ણ પર સ્યમંતક મણી ચોરવાનો ખોટો આરોપ લાગ્યો. આથી ભગવાન શ્રીકૃષ્ણ મણીની શોધમાં નીકળ્યા અને મણી જાંબુવત પાસે હોવાની તેમને જાણકારી મળી, આમ જ્યારે શ્રીકૃષ્ણ મણી લેવા જાંબુવત પાસે પહોંચ્યા તો જાંબુવત ભગવાનને ઓળખી શક્યા નહિ અને તેમની વચ્ચે લગભગ 27 દિવસ સુધી ભયંકર યુદ્ધ ચાલ્યું હોવાનો પુરાણોમાં ઉલ્લેખ છે. આ યુદ્ધના અંતિમ દિવસે જામવંતને આ વાતનો અહેસાસ થયો કે શ્રીકૃષ્ણ સ્વયં પ્રભુ શ્રીરામના જ અવતાર છે. આથી જામવંતે હાર સ્વીકારીને યુદ્ધ પૂર્ણ વિરામ આપ્યું અને તેમના પુત્રી જાંબુવંતીના વિવાહ શ્રીકૃષ્ણ સાથે આ ગુફામાં કરાવ્યા. ત્યારથી આ ગુફાને જાંબુવંતીની ગુફા તરીકે ઓળખવામાં આવે છે.

2:52 જાંબુવંતી ગુફા વિશેની માહિતી

જાંબુવંતી ગુફા ચુનાનાં ખડકોમાં આવેલી હોવાથી ઉનાળાના ભયંકર તાપમાં પણ આ ગુફામાં ઠંડક રહે છે
ચુનાનાં ખડકમાં ગુફા આવેલી હોવાથી તેની છતમાંથી હજારો વર્ષથી સતત પાણી ટપકતું રહે છે અને શિવલિંગોનું સર્જન થાય છે.
શિવલિંગો બનવા પાછળનું રહસ્ય ચુનાનાં ખડક છે પણ તેમ છતાં લોકો તેને ચમત્કાર માને છે અને લાખોની સંખ્યામાં લોકો અહીં દર્શનાર્થે આવે છે.
આ પ્રકારના ચુનાનાં પત્થર જાંબુવંતીની ગુફા ઉપરાંત બરડા ડુંગરમાં આલોચ,ગોપ અને કેલિફોર્નિયામાં જોવા મળે છે.
ગુફાનું મુખ કૂવા કે વાવ જેટલું નાનું છે અને તેનો પ્રવેશદ્વાર પણ સાંકડો છે, પરંતુ બહારથી સાંકડી લાગતી આ ગુફા અંદરથી લાંબી અને પહોળી છે
ગુફાની અંદર આવેલી માટી સોનાની જેમ ચમકે છે, અને એટલા માટે આ માટીને "સોનાની માટી" કહેવામાં આવે છે
સોના જેવી ચમકતી માટી જોઇને ઘણાં લોકો મૂઠી ભરીને એ માટી પોતાની સાથે લઇ જાય છે પણ આવું કરવાથી ઘરમાં નુકનાશ થાય છે એવું લોકોનું માનવું છે અને તેને લગતી નોટીસ પણ ગુફામાં લગાડવામાં આવી છે

#Jambuvanti caves #Picnic spot #vaat Gujarat Ni #Jambvan Gufa #dk #darshanparmar

Download VTV Gujarati News App at https://goo.gl/2LYNZd

VTV Gujarati News Channel is also available on other social media platforms...visit us at http://www.vtvgujarati.com/

Connect with us at Facebook!
  / vtvgujarati  

Follow us on Instagram
  / vtv_gujarati_news  

Follow us on Twitter!
  / vtvgujarati  

Join us at LinkedIn
  / vtv-gujarati