DD News Mizoram - Chanchinthar Langsar | 16 September 2024 | 6:30 PM

HEADLINES:

1. Chief Minister Pu Lalduhoma chuan ruahtui tla nasa avanga tum anga kawng siam lama hmalak chak theih a nih loh avangin mipui mamawh phurtu lirtheite hriatthiamna a ngen a, theihtawpa hmalak mek a ni a ti.

2. Tuialhthei hmanga eizawngtu leh a phurtu lirthei khalhtu pawlten kawng chhe lutuk avanga lirthei tlantir an tum loh thu an puan hnuah tuialhthei lak tum intlar an thahnem hle.

3. Excise Minister Pu Lalnghinglova Hmar chuan rohlo do hlawhtling turin kil hrang hrang atanga thawhhona tha neih a tul tih vawiina Darlawna Ruihhlo do chungchang inrawnkhawnna neih ah a sawi.

4. All Mizoram Petroluem Dealers Association hruaitute chuan Sairang leh Kawnpui inkar kawngchhiatna hmun tlawhin Driver tangkhang mek te hnenah eitur an pe.

5. Kolasib atanga Durlui inkar NH 6 chhe zual lai te chak zawka thawm that hna thawh a nih theih nan Lirthei lian te chu chhun lamah kal phal a ni lova; hnathawh ti khaihlak thei lirthei lian veivak tur te chu hmun hrang hrangah Police duty ten an dang.

6. North East Industrial Development Scheme (NEIDS) hnuaia cheng nuai 800 senna tur, Development of Village based Eco Tourism at Khamrang project chu a bul tan chhoh mek a nih hnuah chawlhsan leh rih a ni.

7. Mizo Hlakungpui Mual seng luh tur atana zirchian turin thu ziak mi leh hla phuah thiam mi 23 theh luh a ni.

8. Nimin zing lam dar 8 bawr vel khan Tlabung khaw daifema Phivawk lui kamah sanghal thi chhar a ni a, enfiahna rang zawk hmangin African Swine Fever a kai tih finfiah a ni.

9. Prime Minister Narendra Modi chuan boruak tichhe lo zawnga hmasawn turin India in theihtawp a chhuah a ni a, a ti.

10. Rampumah Muslim sakhaw dintu Prophet Muhammad pian champha Eid Milad-un-Nabi lawm a ni.

11. President Droupadi Murmu in naktuk khian India Water Week 2024 a hawng dawn.

12. Thlipui, Typhoon Yagi tuarte hnenah India in chhawmdawlna a pe dawn.

13. Jammu and Kashmir Assembly inthlan thawh khatna atana campaign theih hun chu vawiin khan a tawp.

14. IMD in Bihar, Jharkhand, Odisha leh Chhattisgarh hmun thenkhatah ruah nasa tak a sur dawn niin a tarlang.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram