StarTalk一氣呵成版丨谷婭溦為擺脫只唱情歌形象 打造四部曲程現不同音樂風

StarTalk一氣呵成版丨谷婭溦為擺脫只唱情歌形象 打造四部曲程現不同音樂風

谷婭溦 作客《StarTalk》接受主播 許文軒 嘅訪問，上年開始打造「人性四部曲」，啱啱推出第二部曲，溦溦都覺得好開心，近年可以做到想做嘅音樂，有自由度去發揮，又負責寫大部份作品，希望令大家見到佢唔只唱情歌，仲有其他音樂風格，而每首作品又可以套喺唔同性格嘅人身上，而新歌以日式動漫風去創作，想畀人一種熱血衝動感覺。

新歌搵嚟劉易昇監製，仲邀請對方粉墨登場拍MV，溦溦話Alex起初好抗拒，不過佢話叫化妝師化濃啲個妝，加上冇乜鏡頭，唔會有人認到。拍攝過後，Alex同溦溦講原來做幕前係咁辛苦，一個鏡頭都要拍好幾十次先得。新歌帶出訊息係想叫人若果想去做，就唔好受旁邊說話所影響，要做就下定決心，為咗想帶出呢份「真」鼓勵信息，溦溦就決定親自填詞。

個性率直嘅溦溦又講到自己性格，曾經得罪唔少人，仲試過搞喊朋友，到而家都冇聯絡。經歷呢件事之後，溦溦就話學識修飾用詞去表達意思。溦溦亦講到自己當初喺《中年好聲音2》時點同古淖文溝通，佢仲首度講到跟古淖文之間嘅「美麗的誤會」，為大家拆解兩人關係。

#StarTalk #谷婭溦 #我管你 #許文軒 #中年好聲音2 #率直 #古淖文 #關係 #熱血 #日式動漫風 #劉易昇
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0