Скачать или смотреть របាំ​ ភាសាក្បាច់បុរាណ

របាំ ភាសាក្បាច់បុរាណ គឺជាទម្រង់របាំបុរាណខ្មែរ ដែលរេរាំដោយនាដកាជាច្រើន ។ របាំនេះ
គឺជាស្នាដៃបង្កេីតថ្មី​ ដែលដកស្រង់ចេញពីមូលដ្ឋានក្បាច់ដៃក្នុងទម្រង់របាំបុរាណ​ ដែលអ្នកបានស្គាល់តាមរយៈការសម្តែងជាច្រើនរបស់របាំខ្មែរ ហើយយើងបានហៅតៗគ្នាថាជាភាសាក្បាច់។

ភាសាក្បាច់មូលដ្ឋានមានជាង ១០ បែបខុសៗគ្នា ដែលតំណាលពី ការលូតលាស់នៃរុក្ខជាតិ តួយ៉ាង ដាំដុះ ក្តិប ពន្លក ត្រួយ មែក ស្លឹក ផ្កា ផ្លែ និងផ្លែទុំជ្រុះ ហើយ វិលមកដុះសារឡើងវិញ។ ទាំងនេះគឺជាភាសាក្បាច់ដែលអ្នករបាំបុរាណទាំងអស់ត្រូវយល់ដឹង ពីអត្ថន័យរបស់វា ព្រោះថាភាសាក្បាច់ទាំងនេះត្រូវបូកបញ្ចូលគ្នា ដើម្បីបង្កើតអត្ថន័យផ្សេងៗទៀត ដូចជា ក្បាច់មើលឃើញ ក្បាច់ស្រលាញ់ និង ក្បាច់ខឹងជាដើម ដែលបានមកពីការផ្គុំគ្នាពីមូលដ្ឋានក្បាច់រាំ ។

របាំនេះបង្កើតក្នុងឆ្នាំ២០២០ សម្រាប់ការសម្តែងបើកសម័យប្រឡងសញ្ញាបត្រសិល្បៈ នៅសាលាមធ្យមវិចិត្រសិល្បៈ។ នាដកា​ ចាប ចំរើនតុលា ជាគ្រូបង្ហាត់របាំបុរាណ ដែលជាអ្នកតម្លើងស្នាដៃ និង និពន្ធទំនុកច្រៀង ព្រមទាំងសហការជាមួយសិល្បករ នឺម កក្កដា ក្នុងការសម្រួលចម្រៀង និង ក្បាច់រាំផងដែរ។

💙ក្បិនខៀវតំណាងអោយតួប្រុស​
❤️️ក្បិនក្រហមតំណាងអោយតួស្រី